د تش بست خبرتیا
د خپریدو نېټه
د پای نیټه
د دندې عنوان: د معلوماتي تکنالوژۍ ارشد مدیر
آمریت: آمریت د افغانستان د اداینو سیتستم لوی آمریت
گریډ: نهم (9)
د پیل نیټه : ۱۴۴۶ د ربیع الاول ۲۶
تاریخ ختم : ۱۴۴۶د ربیع الثاني ۹
د ګمارنې: دایمي
دندې او مسوولیتونه:
• د اړوندو کارکوونکو د کړنو مدیریت، مشري، څارنه، کنترول او ارزونه، د کار د ښه والي لپاره د هڅونې رامنځته کول، د کار مؤثریت او تولید زیاتول، د روزنیزو اړتیاوو ټاکل او د هغوی د ظرفیت لوړول.
• د مستقیم مدیر سره د تقنيني او اداري اسنادو لکه مقررو، لوایحو، پلانونو، ستراتیژیانو، تګلارو، د کارکوونکو د دندو لایحو ، کاري کړنلارو او د افغانستان د اداینو سیستم لوی آمریت فورمو په طرحه، تسوید، تعدیل او طی مراحلو کې همکاري.
• د اړوندو برخو سره په اړه د کاري بهیر د اسانتیا په ځانګړې توګه د بودیجې په برخه کې د اړیکو او همغږۍ رامنځته کول.
• د میاشتني، ربعوار او کلني راپورونو راټولول او یوځای کول، او مستقیم مدیر ته یې سپارل.
• د ادارې له عمومي پلان سره په مطابقت د میاشتني، درې میاشتني او کلني کاري پلانونو طرح او ترتیب.
• د میاشتني، درې میاشتني او کلني راپورونو وړاندې کول، او د اړتیا په صورت کې د مستقیم آمر او واک لرونکو مقاماتو ته راپور ورکول.
• د فعالیتونو د ښه والي په موخه د هڅونې رامنځته کولو لپاره د کارکوونکو د کړنو ارزونه.
• د کار اغیزمنتوب او تولید لوړول، د روزنې اړتیاوو ټاکل او د ظرفیت لوړونه.
• د معلوماتي ټکنالوژۍ د تګلارو او کړنلارو طرحه، ترتیب او په زیربناوو کې تطبیق.
• د انټرنیټ خدماتو او د معلوماتي ټکنالوژۍ زیربناوو کنټرول، څارنه او مراقبت.
• په شبکه او زیربناوو کې د تخنیکي ستونزو ارزونه، د حل لارې موندل او د ستونزو لرې کول.
• مستقیم آمر ته مسلکي او تخنیکي مشورې وړاندې کول، او د موخو او پروګرامونو په تطبیق کې د پریکړو نیول.
• د معلوماتي ټکنالوژۍ پروژو، سافټویرونو او تخنیکي وسایلو تخنیکي ارزونه.
• د سرورونو تخنیکي ستونزو د حل ډاډ ترلاسه کول او له بهرنیو ګواښونو څخه مخنیوی.
• د کړنلارو او لارښودونو پراختیا، او اړوندو برخو ته د معلوماتي ټکنالوژۍ اړوند خدماتو وړاندې کول.
• د سرورونو او شبکې تخنیکي څارنه، ترڅو په رسمي چارو کې له معقول کارونې ډاډ ترلاسه شي.
• د DR سایټ او د اړوند سیسټمونو د بیک اپ څارنه او کنټرول.
• د برېښنا، جنراتور او د سرور فارم لپاره د اړین UPS سیستمونو د فعال ساتلو څخه ډاډ ترلاسه کول.
• له ISID او عملیاتي مدیریتونو سره د بریښنایي پیسو ادارو د نښلولو په برخه کې همغږي.
• د معلوماتي ټکنالوژۍ آمریت اړوند اړتیاوې ارزول ترڅو سیستمونه په ښه ډول تجهیز شي.
• د پلان شویو پروژو لپاره د معلوماتي ټکنالوژۍ د پرمختیا په برخه کې د پروپوزلونو په ترتیب او تنظیم کې مرسته.
• د نورو اړوندو دندو ترسره کول چې د مقاماتو لخوا د ادارې د قوانین، مقرراتو او موخو له مخې سپارل کیږي.
• د کاري پلانونو ترتیب او مستقیم مدیر او واک لرونکي آمر ته د کاري راپور وړاندې کول.
• د نورو هغو دندو او مسئولیتونو ترسره کول چې د کړنلارو، لارښوونو او د لوړو مقاماتو له هدایاتو سره سم د لایحې او مقرراتو له مخې سپارل کېږي.
د زده کړې درجه:
• د کمپیوټر ساینس، معلوماتي ټکنالوژۍ په برخه کې د لیسانس درلودل، او په یادو برخو کې د ماسترۍ او دوکتورا درجې ته لومړیتوب ورکول کیږي.
تجربه:
• د دندې اړوند (4) کاله کاري تجربه.
مهارتونه او وړتیاوې:
په رسمي ژبو او انګلیسي باندې تسلط، د کمپیوټري پروګرامونو او بانکي سیسټمونو سره بلدتیا، د مدیریتي او رهبرۍ مهارتونو درلودل، د بانکي مقرراتو او قوانینو سره بلدتیا، د لیکونو، وړاندیزونو او کاري راپورونو د تحریر وړتیا، د کاري مسئولیتونو درک، په ساحه کې د ستونزو پېژندنه، په خبرو کې فصاحت او بلاغت، د پروپوزلونو د ترتیب او د پروژو مدیریت وړتیا درلودل، د دندې د محرمیت ساتنه او د مرکزي بانک د دندو او موخو څخه پوهاوی.
شخصي صفتونه او ارزښتونه:
رښتینی، د نیک چلند خاوند، نوښتګر، ډسپلین لرونکی، دندې او وخت ته پوره پابند، ډله ایز کار ته لېواله، همکار، مسئولیت منونکی، تصمیم نیوونکی او په کاري برخه کې مسلکي.
یادونه:
• درخواست کوونکی کولای شي لومړی په Jobs.dab.gov.af ویب پاڼه کې ځانته یوزر جوړ او بیا د خپلي خوښي بست وټاکي او غوښتل شوي سندونه دې د pdf په بڼه اپلوډ کړي.
• د ازموینې د اخیستلو لپاره یوازې له ټاکل شویو درخواست کوونکو سره اړیکه نیول کېږي.
• د آزموینې نېټه وروسته اعلانیږي.