د صرافانو له استازو سره غونډه جوړه شوه
۱۴۴۴ د رمضان المبارک ۷ مه – د افغانستان بانک د سرپرست رئیس ښاغلي الحاج هدایت الله بدري په مشرۍ د صرافانو له استازو سره غونډه جوړه شوه.
په یاده غونډه کې د افغانستان بانک سرپرست رئیس ښاغلي الحاج هدایت الله بدري یادونه وکړه چې د افغانستان بانک د قوانینو او مقرراتو په رڼا کې ژمن دی چې صرافانو او پولي خدمتونو د وړاندې کوونکو لپاره اړینې اسانتیاوې رامنځته کړي او له دې لارې د هېواد د اقتصادي ودې لپاره کار وکړي.
باید وویل شي چې په یاده غونډه کې د صرافانو استازو هم خبرې وکړې او ژمنه یې وکړه چې د قوانینو او مقرراتو په رڼا کې به د هېواد د اقتصادي ودې او پرمختګ لپاره کار کوي.
د یادونې وړ ده چې په دې غونډه کې د افغانستان بانک لومړي مرستیال ښاغلي نوراحمد آغا او د دې بانک د ریاست د دفتر لوی آمر ښاغلي صدیق الله خالد هم ګډون درلود.
