د کوچنیو تمویلاتو په تړاو د افغانستان بانک خبرتیا
د افغانستان بانک د مالي مؤسسو د تنظیم او ښه والي او اسلامي مالي خدمتونو ته د عامه لاسرسي په برخه کې په دوامداره توګه هلې ځلې کړې دي. د کوچنیو اسلامي مالي تمویلاتو د خدمتونو د تنظیم په موخه یوه هر اړخیزه مقرره ترتیب او د دې لینک له لارې https://tinyurl.com/246wbkhy د افغانستان بانک په ویب پاڼه کې خپره شوې ده. ټول هغه شرکتونه، مؤسسې او سوداګر چې غواړي د کوچنیو اسلامي مالي تمویلاتو په سکتور کې پانګونه وکړي، کولای شي د یادې مقررې د شرایطو په پام کې نېولو سره، د افغانستان بانک څخه د فعالیت جواز تر لاسه او د کوچنیو مالي تمویلاتو خدمتونه وړاندې کړي.
