د افغانستان بانک د شرعي نظارتي بورډ غونډه جوړه شوه
![د افغانستان بانک د شرعي نظارتي بورډ غونډه جوړه شوه](/sites/default/files/2022-09/1_0.jpg)
۱۴۴۴ صفر المظفر ۶ مه – د افغانستان بانک سرپرست رئیس ښاغلی عبدالقاهر (حاجي ادریس) د افغانستان بانک د شرعي نظارتي بورډ د غونډې افتتاح وکړه او د اسلامي بانکوالۍ پر بېلابېلو موضوعګانو پکې بحث وشو.
د افغانستان بانک سرپرست رئیس ښاغلی عبدالقاهر ( حاجي ادریس) په خپله پیلیزه وینا کې یادونه وکړه چې د افغانستان بانک په هیواد کې د اسلامي بانکوالۍ د ودې او پراختیا لپاره ژمن دی او په دې اړوند به له شرعي نظارتي بورډ سره له هېڅ ډول هلو ځلو درېغ ونکړي.
نوموړي زیاته کړه چې د افغانستان په مالي او بانکي نظام کې شرعي بورډ او دیني علماء ځانګړئ ځای لري او دا مهال په ټولو دولتي او غیر دولتي بانکونو کې دا بورډونه شتون لري چې له شرعي اړخه د اړوندو مقرراتو، لارښوونو، طرزالعملونو او کړنو کتنه او څارنه تر سره کوي.
باید وویل شي چې دا مهال په هیواد کې اسلامي بانکوالي د ودې په حال کې ده او دا بانکوالي د پخوا په پرتله د ودې او پراختیا پر خوا روانه ده.