د تش بست خبرتیا

د دندې عنوان: د شپې شفټ د ډیټابیس ارشد آفیسر

آمریت: د معلوماتي ټکنالوژۍ لوی آمریت

گریډ: اووم) ۷(

د پیل نېټه: ۱۴۴۷ د ربیع الثانی  ۲۸

د پای نېټه: ۱۴۴۷د جمادی الاول  ۱۳

دندې او مسوولیتونه:

• د معلوماتو د تنظیموونکو پروګرامونو رامنځته کول، آزمایښت او اجراء کول او د ډیټابیس شنل او د هغه د ظرفیت او د اغېزناکتا د اړتیاوو دوامداره ساتلو؛

• له اړونده برخو سره په ځانګړې توګه د ډیټآبیس په برخه کې د کاري بهیر د آسانه کولو په موخه د اړیکې او همغږۍ ټینګول؛

• په مطلوب حد کې د اغېزناکتیا د ساتلو لپاره د ډیټابیس شنل، ټینګښت او څارنه او په سرور کې د سیستمونو د لاسرسي وړ ساتل او د ډیټابیس د بک اپ مدیریت، ډلبندي(Clustering)، انعکاس(Mirroring)، تکرار (Replication) او پاتې راتلل(Failover) او همدارنګه په ټاکلي وخت د بک اپ خارجي سایټ ته د بک اپ لېږدول؛

• له خطرونو څخه د ډیټابیس ساتنه او څارنه او د ډیټابیس لپاره د امنیتي سافټویرونو نصب او انسټالول؛

• د چارو د لا ښه تر سره کولو او د ډیټابیسونو د اغېزناکتیا د لوړولو په موخه له مستقیم مدیر سره د ډیټابیسونو په مدیریت، څارنه او کنترول او د مدیریت په چارو کې همکاري کول؛

• د شته ډیټابیسونو د سرورونو فعال ساتنه او د شپې په اوږدو او همدارنګه د رخصتۍ په ورځو کې د مستقیم مدیر او واک لرونکي آمر سره په همغږي د ډیتابیسونو د چارو پرمخ وړل؛

• د ډیټابیس او آپلیکیشن د برخې اړوندو سرورونو په ډومین کې د ستونزو حلول او همکاري کول

• د ډیټابیس او آپلیکیشن د ټولو سرورونو د DNS ډومین کنترول،

• د WSUS څخه په استفادې د ډیټابیس او آپلیکیشن د ټولو سرورونو نوي کول،

• د مستقیم مدیر سره په همغږۍ او د کاري مسوولیت په ساتنې سره د شفټ اړوندو چارو تسلیمي اخیستل او تسلیمي ورکول؛

• د اړوند مدیریت د کړنو د پرمختګ او لاسته راوړنو په اړه د اوونیز، میاشتني، ربعوار، کلني او د اړتیا پر وخت راپورونو راټولول، یوځای کول او ترتیبول؛

• د مکتوبونو، وړاندیزونو، استعلامونو او نورو اداري لیکونو لیکل، تنظیم او په دقیق او منظم ډول په دوسیو او کارتنونو کې د هارډ او سافټ کاپي په بڼه ساتنه او د مستقیم مدیر او واک لرونکي آمر په لارښوونه په ټاکلي وخت د هغې طی مراحل؛

• د کاري پلانونو ترتیبول او مستقیم مدیر او واک لرونکي آمر ته د کاري راپور وړاندې کول؛

• د نورو هغو دندو او مسئولیتونو ترسره کول چې د کړنلارو، لارښوونو او د لوړو مقاماتو له لارښوونو سره سم د لایحې او مقرراتو له مخې سپارل کېږي.

د زده کړې درجه:

• د کمپیوټر ساینس، معلوماتي ټکنالوژۍ په برخه کې د لیسانس او اړوندو تخصصي اسنادو درلودل او په یادو برخو کې د ماسترۍ سند درلودلو ته لومړیتوب ورکول کیږي.

تجربه:

 •د دندې اړوند (2) کاله کاري تجربه.

مهارتونه او وړتیاوې:

• د هېواد په رسمي ژبو او انګلیسي ژبې بلدتیا؛

• د مدیریتي مهارتونو درلودل؛

• په خبرو کې فصاحت او بلاغت؛

• د کمپیوټري پروګرامونو او بانکي سیستمونو او د معلوماتي تکنالوژۍ نورو برخو سره بلدتیا؛

• له بانکي قوانینو او مقرراتو سره بلدتیا؛

• د لیکونو، وړاندیزونو او کاري راپورونو د لیکنې وړتیا؛

• له بانکي سیستمونو سره بلدتیا؛

• د کاري مسوولیتونو درک او په کاري ساحه کې د ستونزو پېژندنه؛

• د دندې محرمیت ساتنه،

• د افغانستان بانک د موخو او دندو په اړه د پوهاوي درلودل؛

• د اړتیا وړ سرویسونو، آپلیکېشنونو او سافټویرونو د ډیزاین او پرمخ وړلو په برخه کې د بشپړې وړتیا او نوښت درلودل؛

• په علمي او مسلکي توګه د کمپیوټر د ټولو برخو او پرزو Web Server: IIS and Apache Web Server Database: Oracle, MSSQL Server & MySQL و Platform: Linux and Microsoft Windowsسره بلدتیا .

شخصي صفتونه او ارزښتونه:

 رښتینی، د نیک چلند خاوند، نوښتګر، ډسپلین لرونکی، دندې او وخت ته پوره پابند، ډله ایز کار ته لېواله، همکار، مسئولیت منونکی، تصمیم نیوونکی او په کاري برخه کې مسلکي.

یادونه:

•  درخواست کوونکي کولای شي لومړی په Jobs.dab.gov.af ویب پاڼه کې ځانته یوزر جوړ او بیا د خپلي خوښې بست وټاکي او غوښتل شوي سندونه دې د pdf په بڼه اپلوډ کړي.

• د ازموینې د اخیستلو لپاره یوازې له ټاکل شویو درخواست کوونکو سره اړیکه نیول کېږي.

• د آزموینې نېټه وروسته اعلانیږي.