د تش بست خبرتیا

دنده: د لوېدیځ زون څارونکی (هرات)

آمریت: د غیر بانکي مالي مؤسسو د څارنې لوی آمریت

ګریډ: اتم (۸)

د پيل نېټه: ۱۴۴۷ ذوالقعده ۱۰

د پای نېټه: ۱۴۴۷ ذوالقعده ۲۴

د ګمارنې ډول: دایمي

دندې او مسئولیتونه

• د چارو مدیریت او په زون کې د غیر بانکي مالي مؤسسو د لوی آمریت د پلان په پلي کولو کې فعاله ونډه اخیستل؛

• د اړوندې برخې د تقنیني او اداري سندونو لکه لایحو، پلانونو او ستراتيژیو، پالیسیو، د کارکوونکو د دندو د لایحو، کاري کړنلارو او فورمو په طرحه، تسوید، تعدیل او طی مراحل کولو کې له مستقیم مدیر سره همکاري کول؛

• د څارنیز راپور چمتو کول او د اړوند زون د څارنې له ارشد مدیریت سره یې شریکول؛

• د کلني پلان پر بنسټ د ولایتونو او ولسوالیو د صرافانو او پولي خدمتونو د وړاندې کوونکو د کړنو څارنه؛

• د نوو جوازونو د اخیستلو، د موقعیت بدلون، د کار د بدلون او نورو مواردو په موخه د سندونو راټولول او طی مراحل کول؛

• د کاري بهیر د آسانتیا په موخه له اړوندو برخو سره د همغږۍ او اړیکو نیول او د مستقیم مدیر او واک لرونکي آمر له لارښوونې سره سم د ټاکلو مسایلو حلول؛

• د جواز د پروسې او صادرولو اړوند د صرافانو او پولي خدمتونو وړاندې کوونکو د ستونزو حل او لارښوونه؛

• د صرافۍ او پولي خدمتونو د کړنو د ترسره کولو د اړوندو قوانینو او مقرراتو په پام کې نیولو سره د ساحې دننه څارنو ترسره کول؛

• د سندونو تنظیمول او په ډیټابیس کې د غیر بانکي مالي مؤسسو د معلوماتو ثبتول او له مستقیم مدیر سره یې شریکول؛

• د څارنیزو راپورونو شریکول او د ساحې دننه څارنو په پایله کې د تنفیذي اقداماتو وضع کول؛

• د دوره یي راپورونو ترلاسه کول، په اړوند ډیټابیس کې یې ثبتول او له مستقیم مدیر سره یې شریکول؛

• د اړوندو برخو لپاره د روزنیزو پروګرامونو جوړول او په هغو روزنیزو پروګرامونو کې ګډون کول چې د بانک یا اړوندو ادارو لخوا جوړیږي

• د مکتوبونو، وړاندیزونو، پوښتنلیکونو او نورو اداري لیکونو لیکل او تعقیبول او د مستقیم مدیر او واک لرونکي آمر له لارښوونې سره سم یې پر ټاکلي وخت طی مراحل کول او د هارډ کاپي په بڼه یې په کره او منظمه توګه په دوسیو او کارتنونو کې تنظیم او ساتل؛

• د کاري پلانونو ترتیبول او مستقیم مدیر او واک لرونکي آمر ته د کاري راپورونو وړاندې کول؛

• د مسئولیتونو په محدوده کې د دندو ترسره کول او په اړوندو مسایلو کې په خپلواکه توګه د چارو ترسره کول، د پلانونو ترتیبول، تنظیمول، بیاکتل او پلي کول؛

• د نورو ټولو هغو دندو او مسئولیتونو ترسره کول چې د کړنلارو، لارښوونو او د لوړ پوړي مقام د لارښوونو پر بنسټ د لایحې او مقررو سره سم ورسپارل کیږي.

د زده کړو کچه:

• په اقتصاد، مدیریت، مالي او بانکوالۍ، اداره او سوداګرۍ، عامه اداره او یا محاسبه کې لیسانس او په پورتنیو برخو کې د ماسټرۍ درلودونکي ته لومړیتوب ورکول کېږي.

تجربه:

• د دندې اړوند (۳) کلنه کاري تجربه.

مهارتونه او وړتیاوې:

• د دندې د محرمیت ساتل؛

• له ملي ژبو او انګلېسي سره بلدتیا؛

• د مدیریتي مهارتونو درلودل؛

• له بانکي قوانینو او مقرراتو سره بلدتیا؛

• د مکتوبونو، وړاندیزونو او کاري راپورونو د لیکلو وړتیا؛

• د کاري مسئولیتونه درکول او په کاري ساحو کې د ستونزو په ګوته کول؛

• له کمپیوټري پروګرامونو او بانکي سیستمونو سره بلدتیا؛

• د دندې اړوند مسایلو د شننې وړتیا، د مالي مسایلو تفسیر او تعبیر او کره مالي راپور ورکول.

شخصي صفتونه او ارزښتونه:

رښتینی، د نیک چلند خاوند، د متقابل درناوي لرونکی، نوښتګر، بادسپلین، دندې او وخت ته پوره پابند، ډله ایز کار ته لېواله، همکار، مسئولیت منونکی، تصمیم نیوونکی او په کاري برخه کې مسلکي.

یادونه:

• مینه وال او غوښتونکي کولای شي لومړی په Jobs.dab.gov.af ویب پاڼه کې ځانته یوزر جوړ او بیا د خپلي خوښي بست وټاکي او غوښتل شوي سندونه دې د pdf په بڼه اپلوډ کړي.

• د ازموینې د اخیستلو لپاره یوازې له ټاکل شویو درخواست کوونکو سره اړیکه نیول کېږي.

• د آزموینې نېټه وروسته اعلانیږي.