د تش بست خبرتیا

د دندې عنوان: د قانون رعایتولو د څیړنې او پراختیا مدیر

آمریت: د ریسک ادارې او د قانون رعایتولو لوی آمریت

گرېډ: اتم (۸)

د پیل نېټه: ۱۴۴۸ د ربیع الثاني ۱۴

د پای نېټه: ۱۴۴۸ د ربیع الثاني ۲۸

د ګمارنې ډول: دایمي

دندې او مسوولیتونه:

• د اړوندې څانګې د چارو مدیریت، څارنه، کنټرول او ارزونه او د کار اغېزناکتیا او مولدیت زیاتول؛

• د پالیسیو، مقرراتو، کړنلارو، معیاري سیستمونو په طرحه، ترتیب او پراختیا او د ستراتيژیک پلانونو په تطبیق کې همکاري کول؛

• د قانون رعایتولو د څېړنې د چک لیستونو او د مستقیم مدیر له لورې د سپارل شوو نورو فورمونو ترتیبول؛

• د افغانستان بانک د قانون رعایتولو اړوندو قوانینو، مقرراتو او کړنلارو په اړه د تخصصي څېړنو ترسره کول؛

• د افغانستان بانک په کړنو کې د قانون رعایتولو د تشې پيژندل او د موجوده تشو د ډکولو او د کاري چارو د ښه والي په موخه د تخصصي وړاندیزونو وړاندې کول؛

• د  FATF،Basel Committee  او نورو ادارو په ګډون د قانون رعایتولو د نړیوالو معیارونو څېړل او ارزول او په د افغانستان بانک کې یې تطبیقول؛

• د منظمو څېړنیزو راپورونو چمتو کول او د څېړنې او پراختیا ارشد مدیر ته یې وړاندې کول؛

• د قانوني بدلونونو، په ځانګړې توګه د قانون رعایتولو په برخه کې د بدلونونو ارزول چې ښايي د افغانستان بانک پر کړنو اغېز وکړي؛

• د اجرااتو له امله رامنځته شوو تېروتنو د پیژندلو پر مهال ژر تر ژره د هغې د اصلاح لپاره اقدام کول او له نورو څانګو سره همکاري کول؛

• له اړوندو څانګو سره په ځانګړې توګه د سپارل شوو چارو په اړه د اړیکو او همغږۍ ټینګول؛

• په روزنیزو پروګرامونو کې ګډون کول او د افغانستان بانک د اړوندو کارکوونکو لپاره د روزنیزو پروګرامونو په ځانګړې توګه د ریسک کلتور د ترویج او عامه پوهاوي پروګرامونو په جوړولو او ترسره کولو کې ونده اخیستل؛

• د مکتوبونو، وړاندیزونو، استعلامونو او نورو اداري لیکونو لیکل، په ټاکلي وخت د هغو طی مراحل ترسره کول او په دقیق او منظم ډول یې د هارډ او سافټ کاپي په بڼه په دوسیو او کارتنونو کې تنظیم او ساتل؛

• د کاري پلانونو ترتیبول او مستقیم مدیر او واک لرونکي آمر ته د کاري راپور وړاندې کول؛

• د نورو هغو دندو او مسوولیتونو ترسره کول چې د کړنلارو، لارښوونو او د لوړو مقاماتو له لارښوونې سره سم د لایحې او مقرراتو له مخې سپارل کېږي.Top of Form

د زده کړې درجه:

• لږ تر لږه د اقتصاد، مدیریت، مالي او بانکي، اداره او سوداګري، حقوق، عامه ادارې او یا محاسبې په برخو کې د لیسانس درلودل.

 تجربه:

• د دندې اړوند درې (۳) کاله کاري تجربه درلودل.

مهارتونه او وړتیاوې:

• په رسمي ژبو او انګلیسي ژبه کې د لوړ مهارت درلودل؛

• د مدیریتي مهارتونو درلودل؛

• له کمپیوټري پروګرامونو او بانکي سیستمونو سره بلدتیا؛

• له بانکي قوانینو، مقرراتو او د افغانستان بانک د دندو او موخو سره بلدتیا؛

• د وظیفوي موضوعاتو د تحلیل، د مالي موضوعاتو د تفسیر او تعبیر او د دقیقې راپور ورکونې وړتیا درلودل؛

• د مکتوبونو، وړاندیزونو او کاري راپورونو د لیکلو وړتیا درلودل؛

• په خبرو کې فصاحت او بلاغت او د دندې د محرمیت ساتل؛

• د کاري مسوولیت پوهه او درک او په کاري ساحه کې د ستونزو پېژندل.

شخصي صفتونه او ارزښتونه:

 رښتینی، د نیک چلند خاوند، نوښتګر، ډسپلین لرونکی، دندې او وخت ته پوره پابند، ډله ایز کار ته لېواله، همکار، مسئولیت منونکی، تصمیم نیوونکی او په کاري برخه کې مسلکي.

یادونه:

• درخواست کوونکی کولای شي لومړی په Jobs.dab.gov.af ویب پاڼه کې ځانته یوزر جوړ او بیا د خپلي خوښي بست وټاکي او غوښتل شوي سندونه دې د pdf په بڼه اپلوډ کړي.

• د ازموینې د اخیستلو لپاره یوازې له ټاکل شویو درخواست کوونکو سره اړیکه نیول کېږي.

• د آزموینې نېټه وروسته اعلانیږي.