د سرپل او سمنګان له نمایندګیو د افغانستان بانک د سرپرست رئیس لیدنه

Mpoya
یکشنبه ۱۴۰۱/۶/۲۷ - ۱۱:۴۵
د سرپل او سمنګان له نمایندګیو د افغانستان بانک د سرپرست رئیس لیدنه

۱۴۴۴کال د صفر المظفر ۲۱ مه - د افغانستان بانک سرپرست رئیس ښاغلي عبدالقاهر (حاجي ادریس) د سرپل او سمنګان له نمایندګیو لیدنه وکړه.

د دغه سفر موخه د نمایندګیو تر منځ د همغږۍ رامنځته کول او د اجراآتو د بهیر چټکتیا، د ستونزو او ننګونو څېړل او ارزول او د حل په موخه یې د اړینو اسانتیاوو برابرول او د خلکو د خدمت لپاره د کارکوونکو هڅول دي.

په دې لیدنه کې ښاغلي عبدالقاهر حاجي ادريس د يادو نمایندګیو د کارکوونکو ستونزې واورېدې او د حل په موخه يې اړوندو څانګو ته لازمې لارښوونې وکړې.

د افغانستان بانک سرپرست رئیس ښاغلي حاجي ادریس د یادو نمایندګیو له کارکوونکو څخه وغوښتل، ترڅو د خلکو لپاره د خدمت په موخه خپلې چارې په پوره صداقت، اخلاص او مسئولیت سره تر سره کړي.

په سرپل او سمنګان ولایتونو کې د افغانستان بانک د نمایندګیو کارکوونکو هم ژمنه وکړه چې د چارو د پرمختګ لپاره به له هېڅ ډول هلو ځلو درېغ و نه کړي او په پوره رېښتنولۍ سره به د خلکو لپاره خدمت کوي.

وروستي خبرونه

سه‌شنبه ۱۴۰۱/۹/۱۵ - ۱۳:۱۵
Background image

افغانستان ته د ۴۰ میلیونه ډالرو د بشري مرستو  بله کڅوړه را ورسېده

۱۴۴۴ جمادي الاول ۱۲ مه -  افغانستان ته د ۴۰ میلیون ډالرو نغدي بشري مرستې بله کڅوړه را ورسېده او په کابل کې یو سوداګریز بانک ته و سپارل شوه. دا په روانه اونۍ کې دویمه کڅوړه ده چې. . .

سه‌شنبه ۱۴۰۱/۹/۱۵ - ۱۰:۵۸
Background image

د افغانستان بانک 16 میلیونه امریکايي ډالره لیلاموي

1444 جمادی الاول 12 مه - د افغانستان بانک غواړي چې د 1444 کال د جمادی الاول د میاشتې په 13 نېټه (16/09/1401) د  چهار شنبې په ورځ د داوطلبۍ له لارې تر (16) میلیونه امریکايي ډالرو پورې د. . .

دوشنبه ۱۴۰۱/۹/۱۴ - ۱۱:۴۵
Background image

فغانستان ته د ۴۰ میلیون ډالرو نغده د بشري مرستې کڅوړه را ورسېده

۱۴۴۴ جمادي الاول ۱۱ مه -  افغانستان ته د ۴۰ میلیون ډالرو نغدي بشري مرستې کڅوړه را ورسېده او په کابل کې یو سوداګریز بانک ته و سپارل شوه.

د افغانستان بانک د هر هغه اصولي اقدام چې هېواد. . .

بېرته خبرونه ته