په جنوب لویدیځ زون کې د عامه اعتبارونو د ثبت سیستمونو په اړه د عامه پوهاوی روزنیز ورکشاپ

Mpoya
پنجشنبه ۱۳۹۸/۶/۱۴ - ۱۲:۴۰
په جنوب لویدیځ زون کې د عامه اعتبارونو د ثبت سیستمونو په اړه د عامه پوهاوی روزنیز ورکشاپ

کندهار، د ۱۳۹۸ د وږي۱۲مه – د افغانستان بانک له لوري د عامه اعتبارونو د ثبت روزنیز ورکشاپ جوړ شو.

د دې ورکشاپ موخه د منقولو اموالو د رهنې حقونو د ثبت او د عامه اعتبارونو د ثبت سیستمونو پېژندل ؤ چې د نړیوال بانک په مالي مرسته جوړ شوی ؤ.

په دې ورکشاپ کې د عامه اعتبارونو د ثبت د سیستمونو د عمومي آمریت مرستیال ښاغلي عبدالناصر سهاک له لوري د عامه اعتبارونو د ثبت سیستمونو په اړه ګډونوالو ته هر اړخیز معلومات ورکړل شول.

ښاغلي سهاک زیاته کړه چې د عامه اعتبارونو د ادارې موخه له نړیوالو نورمونو او د بانکدارۍ له پیژندل شویو اصولو سره سم د مطلوبو اعتباري معلوماتو برابرول دي.

د نوموړي په خبره دا مهال په هېواد کې سوداګریز بانکونه او مالي ادارې د ۱۴ منقولو وسایلو په مقابل کې قرضې ورکوي چې دا چاره د سوداګرۍ او بانکي نظام په پرمختګ او وده کې ستر رول لوبوي.

د یادونې وړ ده چې منقول مالونه د انتقال وړ دي او د قرضې په مقابل کې د رهن ورکړه له هغه وسیلې څخه عبارت ده چې د بانکونو یا مالي ادارو لپاره د تضمین په ډول ورکول کېږي.

په ورته وخت کې د جنوب لوېدیځ زون آمر ښاغلي حاجي محمد نعیم اکبري د عامه اعتبارونو د ثبت سیستم د ګټو په اړه خبرې وکړې او د دې ډول ورکشاپونو جوړول یې د بانکي نظام د پیاوړتیا لپاره د خورا ارزښت وړ یاد کړل.

د یادونې وړ ده چې په دې ورکشاپ کې د سوداګریزو بانکونو، مالي موسساتو، سوداګرو او د ښځینه لاسي صنایعو ټولنو استازو ګډون کړی وو.

باید وویل شي چې د افغانستان بانک هڅه کوي چې د متشبثینو لپاره د پور اخیستنې په برخه کې آسانتیاوې رامنځته کړي، څو د دوی سوداګریز فعالیتونه وده وکړي.

وروستي خبرونه

پنجشنبه ۱۳۹۸/۱۲/۸ - ۱۲:۴۱
Background image

د افغانستان بانک 30 میلیونه امریکايي ډالره لیلاموي

کابل، د 1398 کال د کب 8ـ د افغانستان بانک غواړي چې د 1398 کال د کب میاشتې په 10 نېټه د شنبی په ورځ د داوطلبۍ په ترڅ کې شاوخوا 30 میلیونه امریکايي ډالره د یوې ازادې او رڼې پروسې له لارې. . .

چهارشنبه ۱۳۹۸/۱۲/۷ - ۱۰:۴۷
Background image

په سوداګریزو راکړو ورکړو کې د افغانیو د دودولو د هڅو ستاینه

کابل، د ۱۳۹۸ کال د کب ۶ مه – د افغانستان بانک د سرپرست او لومړي مرستیال ښاغلي واحدالله نوشیر په مشرۍ د یو شمېر مدني ټولنو له استازو سره په سوداګریزو راکړو ورکړو کې د افغانیو د دودولو په. . .

سه‌شنبه ۱۳۹۸/۱۲/۶ - ۱۰:۴۷
Background image

د زاړه بانکنوټونو تحویلي

ګرانو هېوادوالو خپل زاړه بانکنوټونه په لاندې ډول کولای شئ تحویل او تبدیل کړئ:

۱. کله چې بریښنا بلونه، د پاسپورټ تعرفې، جوازسیر، د اوبو بل، د صفايی کتابچې او نورې تحویلۍ چې حکومت ته کوئ. . .

بېرته خبرونه ته