د تش بست خبرتیا

د دندې عنوان: د افغانستان د بانکوالۍ او مالي انسټیټیوټ خانه سامان

آمریت: د افغانستان د بانکوالۍ او مالي انسټیټیوټ

د پیل نېټه: ۱۴۴۶ ذوالقعدة الحرام  ۱۵

د پای نېټه: ۱۴۴۶ ذوالقعدة الحرام  ۲۷

د ګمارنې ډول: دایمي

دندې او مسوولیتونه:

•  د شعبې غړو او مراجعینو ته سم او پر وخت هرکلی کول؛

• د اړوندو دفترونو له پاکوالي او څارنې څخه ډاډ ترلاسه کول او مراجعینو ته لارښوونه کول؛

• داړتیا په وخت کې د اړوندو مکتوبونو، وړاندیزونو او پوښتنپاڼو وېشل او تعقیبول؛

• د آمریت اړوندو تجهیزاتو او کمپیوټرونو ساتنه او همداراز د هغو نورو توکو او اجناسو مراقبت او ساتنه چې د اړوندو دفترونو د کارونې لپاره شتون لري؛

• له تحویل‌خونې څخه د دفتر د اړتیا وړ توکو ترلاسه کول او له تسلیمۍ څخه تر داغمې پورې د هغه د سندونو طی مراحل کول؛

• د زړو او د نه کارونې وړ توکو بېرته تحویل‌خانې ته سپارل او د سندونو یې طی مراحل کول؛

• د توکو د ثبت په دفتر کې د آمریت د ټولو دفترونو د توکو قیدول او راټولول؛

• د انسټیټیوټ د برېښنايي سیستم له فعالېدو او غیر فعالېدو څخه ډاډ ترلاسه کول؛

• په رسمي او د رخصتي په وختونو کې د دروازو له پرانیستلو او بندولو څخه ډاډ ترلاسه کول؛

• د لارښوونې پر بنسټ د اړتیا په صورت کې د انسټیټیوټ په عمومي پاکوالي او حشر کې برخه اخیستل؛

• د اړتیا په صورت کې د مستقیم مدیر او واک لرونکي آمر د لارښوونو پر بنسټ رسمي دندې ترسره کول؛

• د دوسیو، برقي جارو، پاس پاس او نورو وسیلو ساتل او سمه کارونه؛

• په ټاکلي وخت کې د ټولو وسایلو د موجودۍ د لست ترتیبول او د ورځني شفت له کارکوونکو سره همکاري کول؛

• واک لرونکي آمر او مستقیم مدیر ته د کاري راپور وړاندې کول؛

•  د نورو هغو دندو او مسئولیتونو ترسره کول چې له لایحې او مقررې سره سم د کړنلارو، دستورالعملونو او د لوړ پوړو مقامونو د لارښوونې پر بنسټ ورسپارل کېږي؛

د زده کړې درجه:

• بکلوریا او لیسانس ته لومړیتوب ورکول کیږي.

تجربه:

• د دندې اړوند لږ تر لږه (۱) کلنه کاري تجربه.

مهارتونه او وړتیاوې:

د هېواد له رسمي ژبو سره بلدتیا، قوي فهــم، درک او د مسئولیت احساس، د تشریفاتو له ابتدایي معیارونو او نورمونو سره بلدتیا، د دفتر د چارو په اړه پوهاوی او د لیکلو ابتدایي وړتیا او له کمپیوټر سره آشنایي درلودل.

شخصي صفتونه او ارزښتونه:

 رښتینی، د نیک چلند خاوند، نوښتګر، ډسپلین لرونکی، دندې او وخت ته پوره پابند، ډله ایز کار ته لېواله، همکار، مسئولیت منونکی، تصمیم نیوونکی او په کاري برخه کې مسلکي.

یادونه:

• د شرایطو وړ مینه وال کولای شي یاد بست ته د نوم لیکنې لپاره خپلې CV  یانې دې vacancies@aibf.afبرېښنالیک ته واستوي.

•  د ازموینې د اخیستلو لپاره یوازې له ټاکل شویو درخواست کوونکو سره اړیکه نیول کېږي.

 • د آزموینې نېټه وروسته اعلانیږي.