د تش بست خبرتیا

د بست نوم: د آپلیکېشن ارشد آفیسر

آمریت: د معلوماتي ټکنالوژۍ لوی آمریت

ګریډ: اووم )۷(

د خبرتیا د پیل نېټه: ۱۴۴۶ د ذوالحجة الحرام  ۵    

 د خبرتیا د پای نېټه: ۱۴۴۶ د ذوالحجة الحرام ۱۹    

د ګمارنې ډول: دایمي

دندې او مسئولیتونه:

• د بانکي اپلیلکېشنونو مانیټور کول، د ستونزو رامنځته کېدو په صورت کې د هغه مخنیوی او حلول؛

• دپروګرام لیکنې لکه ASP.net, Php, ـJave, Python د ژبو په کارولو سره د چارو ترسره کول؛

• د سیستمونو د پلي کېدو کنټرول، د ستونزو پېژندل او حلول او د وینډوز او لینکس په سیستمونو کې د اپلیکېشنونو هاست کول؛

• د سټورج د سیستمونو له لارې د بک آپونو ترتیبول او ترلاسه کول او د بک آپونو اغېزناکه کنټرول؛

• په سرورونو لکه  IIS,Apache,Tomcat virtualization in window and linux, کې د معلوماتي او نوې تکنالوژۍ د سیستمونو نصبول او عیارول؛

• د آپلیکېشنونو په برخه کې د کاري بهیر د اسانه کولو لپاره له اړوندو برخو سره د اړیکو او همغږۍ درلودل؛

• په مرکز او ولایتونو کې په فزیکي توګه د سیستمونو د ستونزو حلول؛

• د شته بانکي اپلیکېشنونو او پرمختللو اپلیکیشنونو د کارونې د څرنګوالي لارښود ترتیبول؛

• په اړتیا وړ سرورونو (linux , windows) کې د بانکي آپلیکیشنونو د عیارولو، ترتیبولو، تنظیمولو او نصبولو په برخه کې له مستقیم مدیر سره همکاري کول؛

• په هارډ او سافټ بڼه په دوسیو او کارتنونو کې په کره او منظمه توګه د مکتوبونو، وړاندیزونو، پوښتنپاڼو او نورو اداري لیکونو لیکل، تنظیمول او ساتل او د مستقیم مدیر او واک لرونکي آمر له لارښوونې سره سم په ټاکل وخت یې طی مراحل کول؛

• د اړوند مدیریت د کړنو او لاسته راوړنو د پرمختګ په اړه له اړتیا سره سم د اونیزو، میاشتنيو، ربعوارو او کلنیو راپورونو راټولول، توحیدول او ترتیبول؛

• د کاري پلانونو ترتیبول او مستقیم مدیر او واک لرونکي آمر ته د کاري راپور وړاندې کول؛

• د نورو ټولو هغو دندو او مسئولیتونو ترسره کول چې د کړنلارو، لارښوونو او د لوړ پوړي مقام د لارښوونې پر بنسټ له لایحې او مقررو سره سم ورسپارل کېږي.

د زده کړې درجه: په کمپیوټر ساینس کې د لیسانس او اړونده برخه کې د تخصصي سندونو درلودل.

تجربه: د دندې اړوند دوه (۲) کلنه کاري تجربه

مهارتونه او وړتیاوې:  د کمپیوټر له پروګرامونو او بانکي سیستمونو سره بلدتیا، له بانکي قوانینو او مقرراتو سره بلدتیا، د مکتوبونو، وړاندیزونو او کاري راپورونو د لیکلو وړتیا، د کاري مسئولیت پوهه او درک او په کاري ساحه کې د ستونزو پېژندل، د دندې اړوند محرمیت ساتل، د افغانستان بانک د دندو او موخو په اړه پوهه لرل، د معلوماتي او د نوې تکنالوژۍ په اړه د دقیقې پوهې درلودل، د هېواد له رسمي ژبو او انګلیسي سره بلدیت، د (MS Visual Studio, MS SQL Server, MySQL, PHP, C#, JavaScript, HTML, CSS, Bootstrap, Drupal,…)   ، پروګرامونو د وړتیا درلودل او د وینډوز او لینوکس له عاملو سیستمونو سره بشپړه بلدتیا درلودل.

شخصي صفتونه او ارزښتونه:

رښتینی، د نیک چلند خاوند، نوښتګر، دسپلین لرونکی، دندې او وخت ته پوره پابند، ډله ایز کار ته لېواله، همکار، مسئولیت منونکی، تصمیم نیوونکی او په کاري برخه کې مسلکي.

یادونه:

ټول مینه وال کولای شي لومړی په Jobs.dab.gov.af ویب پاڼه کې ځانته یوزر جوړ او بیا د خپلي خوښي بست وټاکي او غوښتل شوي سندونه دې د pdf په بڼه اپلوډ کړي.

د ازموینې د اخیستلو لپاره یوازې له ټاکل شویو درخواست کوونکو سره اړیکه نیول کېږي.

د آزموینې نېټه وروسته اعلانیږي.