د غیر بانکي سکتور د انسجام او تنظیم لپاره هلې ځلې دوام لري

Mpoya
پنجشنبه ۱۴۰۰/۴/۲۴ - ۱۰:۳۱
د غیر بانکي سکتور د انسجام او تنظیم لپاره هلې ځلې دوام لري

۱۴۰۰ کال د چنګاښ ۲۳ مه – د افغانستان بانک سرپرست ښاغلي اجمل احمدي د صرافانو او پولي خدمتونو د وړاندې کوونکو د یووالي شورا له مشرتابه غړو سره د لیدنو په لړ کې دا ځل د یادې شورا د مشرتابه له یو غړي سره ولیدل او د صرافیو او پولي خدمتونو د وړاندې کوونکو د کړنو د میکانیزه کولو په اړه یې ور سره خبرې وکړې.

په پیل کې د صرافیو او پولي خدمتونو د وړاندې کوونکو د کړنو د میکانیزه کولو او د غیر بانکي سکتور د چارو د انسجام او تنظیم په اړه د صرافانو او پولي خدمتونو د وړاندې کوونکو د یووالي شورا مشرتابه غړي خبرې وکړې او په دې برخه کې یې د افغانستان بانک له مشرتابه مننه وکړه.

ورپسې د افغانستان بانک سرپرست ښاغلي اجمل احمدي خبرې وکړې او یادونه یې وکړه چې د افغانستان بانک د صرافیو او پولي خدمتونو د وړاندې کوونکو د کړنو د ښه‌والي او پرمختګ لپاره ژمن دی او تل هڅه کوي چې د غیر بانکي سکتور د ودې لپاره سالمې او معقولې لارې چارې برابرې کړي.

وروستي خبرونه

پنجشنبه ۱۴۰۰/۵/۷ - ۱۵:۲۷
Background image

د بیرغ د ملي ورځې په ویاړ د افغانستان بانک د سرپرست د مبارکۍ پیغام!

د افغانستان بانک د عالي شورا او مشرتابه پلاوي په استازولۍ د افغانستان عزتمند او با افتخاره ملت ته د بیرغ د ملي ورځې مبارکي وایم. ملي بیرغ؛ زمونږ د ملي یووالي، افتخار، اقتدار او ملي هویت. . .

پنجشنبه ۱۴۰۰/۵/۷ - ۱۲:۱۹
Background image

د افغانستان بانک 52 میلیونه امریکايي ډالره لیلاموي

1400 کال د زمری 7 مه- د افغانستان بانک غواړي چې د 1400 کال د زمری میاشتې په 9 نېټه د شنبې په ورځ د داوطلبۍ په اوږدوکې شاوخوا 52 میلیونه امریکايي ډالره د یوې ازادې او رڼې پروسې له لارې. . .

شنبه ۱۴۰۰/۵/۲ - ۱۷:۱۷
Background image

د افغانستان بانک او د ولسمشرۍ ماڼۍ دملي پراختیا ادارې تر منځ د دوه اړخیز هوکړه لیک لاسلیک

۱۴۰۰ کال د زمری ۲ مه – د افغانستان بانک د هېواد د اساسي قانون د ۱۴ مادې د دویمې فقرې او د جلالتماب ولسمشر د فرمان پر بنسټ د دوامداره اقتصادي ودې او د سوداګریزو بانکونو له لوري هېوادوالو. . .

بېرته خبرونه ته