د هېواد د اسعاري زېرمو په اړه د افغانستان بانک اعلامیه!
د افغانستان بانک اسعارو زیرمې د افغانانو ملکیت دی او له کلونو راهیسې د قانون په رڼا کې د پولي ثبات، مالي سیستم د پیاوړتیا او له نړۍ سره د سوداګرۍ د اسانتیا په موخه کارول کیږي.
د افغانستان بانک غواړي چې د هیواد د اسعارو پر زیرمو لګیدلي محدودیتونه په بشپړه توګه لیرې کړل شي او په دې برخه کې یې د ټاکل شویو موخو د ترلاسه کولو لپاره له زیرمو څخه د اغېزناکې استفادې هڅې پیل کړي دي.
د افغانستان بانک په نا مرتبطو برخو کې د دغو زیرمو د تخصیص، کارونې او لېږد په اړه هر ډول پریکړه د نه منلو وړ ګڼي او غواړي چې په دې اړه له سره غور وشي.
