د افغانستان بانک د اکاډمیکې ټولنې له څو تنو استادانو سره ګردی میز جوړ کړ

dab_admin
یکشنبه ۱۳۹۷/۹/۱۱ - ۱۴:۱۸
Da Afghanistan Bank

کابل، ۱۳۹۷ د لیندۍ ۱۰ د افغانستان بانک د افغانۍ د مبادلې نرخ د ټیکاو په تړاو د اکاډمیکې ټولنې له څو تنو استادانو سره د خبرو اترو لپاره ګردی میز جوړ کړ. د دې ګردي میز موخه د نورو اسعارو په ځانګړي توګه د امریکايي ډالرو په وړاندې د افغانۍ د مبادلې نرخ او د نورو اړوندو مسایلو په اړه خبرې اترې او د نظرونو تبادله کول ؤ.

د افغانستان بانک لوی رئیس ښاغلي خلیل صدیق د ګردي میز په پرانیستیزې ویناوو کې د افغانۍ د ټیکاو او د هغه د ارزښت ساتلو لپاره د افغانستان بانک د پروګرامونو په اړه نظر څرګند کړ او له ګډون کوونکو استادانو څخه یې وغوښتل چې د خپلو تجربو او علمي پوهاوۍ په شریکولو سره د افغانستان بانک سره د هر اړخیزو، ګټورو، اغېزناکو او د افغانستان د شرایطو په پام کې نیولو سره د پالیسۍ په طرحه کې مرسته وکړي.

د دې پروګرام په دوام کې د پولي سیاست لوی آمر ښاغلي نائب خان جمال د پولي سیاستونو په ګډون د بانک بنسټیزو دندو ته د اشارې ترڅنګ په لنډ مهاله، منځنمهاله او اوږد مهاله کې د افغانۍ د ټیکاو په برخه کې د پلان جوړونې په اړه معلومات وړاندې کړ او پر نورو اړوندو موضوعاتو باندې یې رڼا واچوله.

ورپسې د اقتصاد د څانګې ښاغلو استادانو د افغانستان بانک له چارواکو سره د اړوندې موضوع په اړه ګټوره نظرونه شریک او ورباندې یې بحث او نظرونه تبادله کړل چې د افغانستان بانک د مشرتابه پلاوي لخوا یې هرکلی وشو او د نیکو نظرونو یې ستاینه وشوه.

د یادولو وړ ده چې په دې ګردي میز کې د افغانستان بانک د لوی رئیس ښاغلي خلیل صدیق او لومړي مرستیال ښاغلي واحد الله نوشیر سربېره، له کابل پوهنتون څخه ډاکټر سیف الدین سیحون او ذبیح الله مدبر، له کاردان پوهنتون څخه ښاغلي ډاکټر خیبر خیشکي او احمد سینا سباوون، له ابن سینا پوهنتون څخه ښاغلي محمد امیر نوري او ډاکټر محمد توکلي، له کاتب پوهنتون څخه ښاغلي نجیب الله ارشد او محمد احسان عرفاني او د افغانستان بانک یو شمېر آمرینو او مرستیالانو هم ګډون کړی ؤ.

وروستي خبرونه

چهارشنبه ۱۴۰۳/۸/۲۳ - ۱۷:۲۵
Background image

د افغانستان بانک په نوښت د ملي او نړیوالو ادارو په ګډون د وړو تمویلونو ملي کنفرانس جوړ شو

۱۴۴۶ د جمادی الاول ۱۱ مه – د افغانستان بانک په نوښت د ملي او نړیوالو ادارو د استازو، د بهرنیو هېوادونو سفیرانو او د ډله ایزو رسنیو د استازو په ګډون په کابل سرینا هوټل کې د وړو تمویلونو. . .

پنجشنبه ۱۴۰۳/۸/۱۷ - ۸:۲۵
Background image

د ایوفي او اسلامي پراختیایي بانک په کلنۍ غونده کې د افغانستان بانک د رئیس ګډون

د افغانستان بانک د رئیس ښاغلي نور احمد آغا په مشرۍ یو پلاوي د اسلامي مالي مؤسساتو لپاره د محاسبې او تفتیش د ادارې (ایوفي) او د اسلامي پراختیایي بانک په نولسمه غونډه کې چې په بحرین هېواد. . .

سه‌شنبه ۱۴۰۳/۸/۸ - ۱۶:۲۸
Background image

د افغانستان بانک مشرتابه پلاوي د یونما له مشرې سره ولیدل

۱۴۴۶ ربیع الثاني ۲۶ مه – د افغانستان بانک د ټولو رئیس ښاغلي نور احمد آغا د ملګرو ملتونو سازمان د سرمنشي له ځانګړې استازې آغلې روزا اوتونبایوا او مل پلاوي سره وکتل.

په دې غونډه کې د. . .

بېرته خبرونه ته