د بانکي چارو د څارنې مرستیال وپېژندل شو
۱۴۰۰ لړم ۱۸ مه – ښاغلي محمد شفیع نوري د افغانستان بانک د بانکي چارو د څارنې لوی آمریت د ننه د ساحې څارنې د سرپرست مرستیال په توګه د یاد آمریت کارکوونکو ته ور وپېژندل شو.
په هغه غونډه کې چې په همدې مناسبت جوړه شوې وه د افغانستان بانک د ریاست د دفتر لوی آمر ښاغلي صدیق الله خالد نوموړی په کارپوه او مسلکي کس یاد کړ او ښاغلي نوري ته یې په چارو کې د لا بریالیتوب هیله وکړه.
باید وویل شي چې په یاده غونډه کې د افغانستان بانک د بانکي چارو د څارنې لوی آمر ښاغلي عبدالرحمن قانت هم خبرې وکړې او یادونه یې وکړه چې په چارو کې د لا پرمختګ لپاره لازمه ده چې ټول کارکوونکي له یو بل سره په پوره همکارۍ، صداقت او همغږۍ چارې پر مخ یوسي.
د نوموړي په خبره د افغانستان بانک او په ځانګړې توګه د څارنې پرمختګ له یو بل سره همکارۍ ته اړتیا لري چې دې موخې ته د رسېدو لپاره اړینه ده یو بل ته لاسونه سره ورکړو او پیاوړې همکاري ولرو.
د یادونې وړ ده چې ښاغلي محمد شفیع نوري له تېرو څو کلونو راهیسې له بانکي چارو څخه د څارنې په لوی آمریت کې د تنفیذي اقداماتو د مدیر په توګه دنده تر سره کړې ده.
