د تش بست خبرتیا

د بست نوم: د انټرنیټ او موبایل بانکوالۍ افیسر

آمریت: د  افغانستان د اداینو سیستم لوی آمریت

ګرېډ: شپږم   (۶)

د خبرتیا د پیل نېټه:  ۱۴۴۵/۰۵/۱۴

 د خبرتیا د پای نېټه: ۱۴۴۵/۰۵/۲۸

د ګمارنې ډول: دایمي

دندې او مسئولیتونه:

• د موبایل بانکوالۍ او آنلاین بانکوالۍ په برخو کې له بانکونو سره همکاري او د اپلیکیشن تنظیمول؛

• د مالي موسسو لپاره د موبایل بانکوالۍ د پروګرامونو فعالول، نصبول او ساتل؛

• د شته آنلاین بانکوالۍ او موبایل بانکوالۍ د سافټویر د کړنو او پراختیا لپاره تخنیکي شنل؛

• د موبایل بانکوالۍ د پروګرام له لارې د وروستي کارن یا مشتري د ستونزو په کوته کول او حلول؛

• د آنلاین بانکوالۍ او موبایل بانکوالۍ په اړه د بشپړې پوهې درلودل؛

• د مختلفو ټیکنالوژیو لکه IOS، Android په کارولو سره په بیلابیلو موبایلونو کې د انټرنیټ له سافټویر، مبایل بانکوالۍ او د پروګرام له مدیریت څخه د ډاډ ترلاسه کول؛

• د اپل له IOS  او سامسونګAndroid  او داسې نورو سره بلدتیا؛

• د موبایل بانکوالۍ د اپلیکېشنونو نصبول؛

• د موبایل بانکوالۍ د کارولو لپاره د موبایل تنظیمول؛

• په موبایل پروګرام کې د ټرانزکشنونو د اړوندو چارو ترسره کول ؛

• د آنلاین بانکوالۍ لپاره د حساب جوړول او په هغه پام ساتنه؛

• د موبایل اپلیکیشنونو د کاروونکو ستونزو ته رسیدنه؛

• د آنلاین او مبایل بانکوالۍ اپلیکېشنونو اداره کول؛

• د شته پروګرامونو او بېخبناوو د ښه کولو او پراختیا لپاره د معلوماتي ټکنالوژۍ له ټیم سره همکاري کول؛

• د پروژې په پراختیا کې په ځانګړې توګه د کاري کچې په لورولو کی مرسته کول؛

• له اړوند وینډوز سره د آنلاین بانکوالۍ او موبایل بانکوالۍ د ستونزې حلول؛

• د هغو پیرودونکو ملاتړ کول چې د بانکوالۍ اړوند اپلیکېشنونه کاروي؛

• د مکتوبونو، وړاندیزونو، استعلامونو او نورو اداري مکتوبونو لیکل او تعقیبول او د کره مراجعه او اقدام په پام کې نیولو سره په ټاکلي وخت د هغه طی مراحل؛

• په فایلونو او کارتنونو کې په هارډ او سافټ ډول د مکتوبونو، وړاندیزونو، استعلامونو او داسې نورو اداري لیکونو تنظیمول او ساتل؛

• د کاري پلان ترتیبول او مستقیم مدیر او واک لرونکي آمر ته د راپور وړاندې کول؛

• د نورو ټولو هغو دندو او مسئولیتونو ترسره کول چې د کړنلارو او د لوړ پوړي مقام د لارښوونو پر بنسټ له لایحې او مقررو سره سم ورسپارل کېږي.

د بست اړین شرطونه

د زده کړې کچه (درجه): د کمپیوتر ساینس او معلوماتی تکنالوژی په برخو کې لیسانس؛

تجربه: د دندې اړوند (2) کلنه کاري تجربه.

مهارتونه او وړتیاوې:

• د موبایل بانکوالۍ او انلاین بانکوالۍ د اپلیکېشنونو له کړنو او کاري بهیر سره بلدتیا؛

• د ټرانزکشنونو له ډولونو سره بلدتیا؛

• د برېښنايي اداینې له سیستمونو سره بلدتیا؛

• د هېواد له رسمي او انګلېسي ژبو سره بلدتیا؛

• د مدیریتي مهارتونو درلودل؛

• په وینا کې فصاحت او بلاغت؛

• له کمپیوټري پروګرامونو او بانکي سیستمونو سره بلدتیا؛

• له بانکي قوانینو او مقررو سره بلدتیا؛

• د کاري مسئولیتونه درک کول او په کاري ساحو کې د ستونزو پېژندل؛

• د مرکزي بانک د دندو او موخو په تړاو پوهاوی؛

• د مکتوبونو، وړاندیزونو او کاري راپورونو د لیکلو وړتیا؛

• دندو د محرمیت ساتل؛

شخصي صفتونه او ارزښتونه:

ریښتینی، د نېک چلند خاوند، د متقابل درناوي درلودونکی، نوښتګر، با دسپلینه، دندې او وخت ته پوره پابنده، ډله يیز کار ته لېواله، همکار، مسوولیت منونکی، تصمیم نیوونکی او په کاري برخه کې مسلکي.

یادونه:

دا پوست د نویو راستانه شویو مسلکي او وړ کدرونو لپاره اعلان شوی دی، نو دا د دوی لپاره ځانګړی دی.

په شرایطو برابر کسان کولای شي د ټاکل شوې دندې د نوم په لیکلو سره خپلې سوانح (سي وي او غوښتنلیک)،  د تحصیلي اسنادو، پېژندپانې او د اړوندو ادارو څخه د مهاجرت د تصدیق شوی سند رنګه کاپيانې، د (PDF) بڼه په یوه فایل کې چمتو او د برښنالیک په دې پتهdab.jobs@dab.gov.af   یې راولېږئ.

د ازموینې نېټه وروسته اعلانېږي.