ښاغلي اجمل احمدي د ترکمنستان د بهرنیو چارو له وزیر ښاغلي رشید میریدوف سره ولیدل

Mpoya
شنبه ۱۳۹۹/۱۰/۲۰ - ۱۴:۲۰
ښاغلي اجمل احمديد ترکمنستان د بهرنیو چارو له وزیر ښاغلي رشید میریدوف سره ولیدل

۱۳۹۹ د مرغومې ۲۰ ـ د افغانستان بانک د لوی ریاست سرپرست ښاغلي اجمل احمدي د ترکمنستان له پلاوي سره چې د دې هېواد د بهرنیو چارو د وزیر ښاغلي رشید میریدوف په مشرۍ د سوداګرۍ او اقتصادي پراختیا په برخو کې د همکاریو د هوکړه لیکونو د لاسیکولو په موخه افغانستان ته راغلي وو، ولیدل.

د دې لیدنې په اوږدو کې، د دواړو هېوادونو ترمنځ په سالمو بانکي اړیکو باندې د بحث ترڅنګ افغانستان ته د ترکمنستان د غازو د لېږد د پروژې (TAPI)،  د ترکمنستان – افغانستان د ریل پټلۍ د مناسبو حقوقي ستراتیژیو د ټاکلو او سنجش اومالي تمویل د برخو او د لاجوردو د لارې د کار د پرمختګ په تړاو بحث او نظرونه تبادله شول.

ښاغلي اجمل احمدي له دوست هېواد ترکمنستان څخه د مننې او قدردانۍ ترڅنګ د ترکمنستان هېواد له پلاوي سره د پرمختیايي ـ اقتصادي پروژو د پلي کېدو په برخه کې د هر ډول همکاریو ژمنه وکړه او له اړوندو خواوو یې وغوښتل څو د پروژو د اجرائیوي بهیر د چټکتیا په برخه کې ګډې هڅې وکړي.

د یادونې وړ ده چې په دې لیدنه کې د ترکمنستان د بهرنیو چارو د وزیر ترڅنګ په افغانستان کې مېشت د هغه هېواد سفیر او د پروژې(TPCL) اجرائیوي رئیس هم ګدون درلوده.

وروستي خبرونه

پنجشنبه ۱۳۹۹/۱۱/۲ - ۱۰:۴۸
Background image

د صرافانو او د پولي خدمتونو د وړاندې کوونکو د ټولنې له مسئولینو سره د غونډې جوړول

کابل، ۱۳۹۹ د سلواغې ۱ – د افغانستان بانک د لوی ریاست د سرپرست ښاغلي اجمل احمدي په مشرۍ د هېواد د صرافانو او د پولي خدمتونو د وړاندې کوونکو د ټولنې له مسئولینو سره غونډه جوړه شوه.

د دې. . .

یکشنبه ۱۳۹۹/۱۰/۲۸ - ۱۰:۵۵
Background image

د ازبکستان د مرکزي بانک له چارواکو سره انلاین غونډه جوړه شوه

۱۳۹۹ د مرغومي ۲۷- د افغانستان بانک سرپرست ښاغلي اجمل احمدي د ازبکستان د مرکزي بانک له لوړ پوړو چارواکو سره انلاین غونډه ترسره کړه.

دا غونډه چې له نړیوالو او سیمه ایزو ادارو او مالي. . .

بېرته خبرونه ته