د تش بست خبرتیا

د بست نوم: د ERP او CBS مدیر

 آمریت: د مالي او محاسبې لوی آمریت

ګریډ: (۸)

د خبرتیا د پیل نېټه: ۱۴۴۵ د جمادی الاول   ۵    

د خبرتیا د پای نېټه: ۱۴۴۵ د جمادی الاول   ۲۱

د ګمارنې ډول: دایمي

دندې او مسئولیتونه:

• د چارو د ښه والي او د کاری اغیزناکتیا د زیاتېدو، د روزنیزو اړتیاوو د معلومولو او د کارکوونکو د ظرفیت لوړولو لپاره د انګېزې رامنځته کولو په موخه د اړوندو کارکوونکو د کړنو مدیریت، څارل، کنټرولول او ارزول؛

• د تقنیني او اداري سندونو لکه مقررو، لایحو، پلانونو، ستراتیژیو، پالیسیو، د کارکوونکو د دندو لایحو، کاري کړنلارو او فورمو د طرحه کولو، ترتیبولو، تسویدولو، تعدیلولو او طی مراحلو په موخه له مستقیم مدیر سره د موادو په چمتو کولو کې همکاري کول؛

• د کاري بهیر د لا اسانتیا په موخه له اړوندو برخو سره د اړیکو ټینګول او د همغږي درلودل؛

• د سي بي اس سیستم او د هغه د نويو پچونو د نصبولو او پلي کولو مسئول او د تطبیقاتو د راپور ترتیبول؛

• د سي بي اس سیستم د ستونزو تعقیبولو لپاره لوی مدیر ته د راپور وړاندې کول؛

• د سي بي اس سیستم له لارې د شعبو د کاري اسانتیاوو برابرول؛

• له سموالي او کارکردګۍ څخه د ډاډ ترلاسه کولو په موخه د بانکی سیستمونو ازمویل؛

•د سیستمونو د ازمایښت، پلي کېدو او یو ځای کېدو د راپورونو له سموالي څخه د ډاډ ترلاسه کول؛

• د سي بي اس سیستمونو، معاشونو، ثابتو شتمنیو او داسې نورو د تخنیکي ستونزو شنل؛

• واک لرونکي مقام ته د سي بي اس د مدیریت لخوا د ورسپارل شوو چارو د ښه والي لپاره د رغنده نظرونو او وړاندیزونو وړاندې کول؛

• د تخنیکي ستونزو شنل او پر خپل وخت د ستونزو حلول؛

• د سي بي اس مدیریت د نورو اجرااتو او کړنو د بهیر ارزول؛

• د کاري پلانونو چمتو کول او مستقیم مدیر او واک لرونکي آمر ته د کاري راپور وړاندې کول؛

• د نورو ټولو هغو دندو او مسئولیتونو ترسره کول چې د کړنلارو او د لوړ پوړي مقام د لارښوونو او د یاد آمریت د لایحې او مقررو پر بنسټ ورسپارل کېږي.

د بست اړین شرطونه

د زده کړې کچه او څانګه: لږ تر لږه د MCS, ACCA, BCS, Database Development, Application Development په برخو کې لیسانس او په پورتنیو برخو کې د ماسټرۍ درلودونکي ته لومړیتوب ورکول کېږي.

تجربه: د دندې اړوند (۳) کاله کاري تجربه.

مهارتونه او وړتیاوې:

• د هېواد له رسمي ژبو او انګلېسي ژبې سره بلدتیا؛

 •له کمپیوټري پروګرامونو او بانکي سیستمونو سره بلدتیا؛

• د مدیریتي مهارتونو درلودل؛

• له بانکي قوانینو او مقررو سره بلدتیا؛

• د ملکي خدمتونو د کارکوونکو له قوانینو سره بلدتیا؛

• په خبرو کې فصاحت او بلاغت؛

• د مکتوبونو، وړاندیزونو او کاري راپورونو د لیکلو وړتیا؛

• د کاري مسئولیتونه درک کول او په کاري ساحو کې د ستونزو معلومول؛

• له ډله ایزه کار سره بلدتیا؛

• د دندې د محرمیت ساتل؛

شخصي صفتونه او ارزښتونه:

رښتینی، د نیک چلند خاوند، نوښتګر، بادسپلین، دندې او وخت ته پوره پابند، ډله ایز کار ته لېواله، همکار، مسئولیت منونکی، تصمیم نیوونکی او په کاري برخه کې مسلکي.

مهم ټکي:

غوښتنکوونکي کولای شي لومړی په Jobs.dab.gov.af ویب پاڼه کې ځانته یوزر جوړ او بیا د خپلي خوښي بست وټاکي او غوښتل شوي اسناد دې د pdf په بڼه اپلوډ کړي.

د ازموینې د اخیستلو لپاره یوازې له ټاکل شویو درخواست کوونکو سره اړیکه نیول کېږي.

د آزموینې نېټه وروسته اعلانیږي.