د مرکزي احصائې له استازو سره غونډه

۱۴۴۳ ذوالحجه ۱۷ مه – د افغانستان بانک د ستر اقتصادي سلاکار ښاغلي لطف الحق نور پسرلي پر مشرۍ د مرکزي احصائې له استازو سره غونډه جوړه شوه.

په یاده غونډه کې په ټول هیواد کې د اقتصادي او ټولنیزو احصایو پر عمومي وده او پراختیا، د پلانونو  پر انسجام، د سوداګریزو، صنعتي، مالي، ټولنیزو، اقتصادي او چاپیریالي فعالیتونو د چارو او د عامو خلکو وضعیت پورې اړوند قضیو کې د احصایوي معلوماتو راټولولو، یو ځای کولو، تحلیل او خپرولو په اړه هر اړخیز بحثونه تر سره شول.

د افغانستان بانک ستر اقتصادي سلاکار ښاغلي لطف الحق نور پسرلي د افغانستان بانک له اړخه د قوانینو او مقرراتو په رڼا کې د هر ډول همکارۍ ژمنه وکړه او یادونه یې وکړه چې د افغانستان بانک مشرتابه پلاوی ژمن دی چې د درنو هیوادوالو لپاره په بېلابېلو برخو کې اړینې آسانتیاوې رامنځته کړي.