د افغانستان بانک او د ولسمشرۍ ماڼۍ دملي پراختیا ادارې تر منځ د دوه اړخیز هوکړه لیک لاسلیک

Mpoya
شنبه ۱۴۰۰/۵/۲ - ۱۷:۱۷
د افغانستان بانک او د ولسمشرۍ ماڼۍ دملي پراختیا ادارې تر منځ د دوه اړخیز هوکړه لیک لاسلیک

۱۴۰۰ کال د زمری ۲ مه – د افغانستان بانک د هېواد د اساسي قانون د ۱۴ مادې د دویمې فقرې او د جلالتماب ولسمشر د فرمان پر بنسټ د دوامداره اقتصادي ودې او د سوداګریزو بانکونو له لوري هېوادوالو لپاره د کور جوړونې سکتور ته د پورونو د ورکړې په برخه کې د آسانتیاوو د رامنځته کولو په موخه نن د ولسمشرۍ ماڼۍ د ملي پراختیا عملیاتي او حمایوي ادارې سره یو دوه اړخیزه هوکړه لیک لاسلیک کړ.

دا غونډه چې په آنلاین توګه جوړه شوې وه، په پیل کې د افغانستان بانک سرپرست ښاغلي اجمل احمدي خبرې وکړې او ویې ویل چې دا هوکړه لیک د سوداګریزو بانکونو له لوري د کور جوړونې شرکتونو او خلکو ته د پورونو د ورکړې په برخه کې د آسانتیاوو د رامنځته کولو په موخه لاسلیک شو. د نوموړي په خبره د افغانستان بانک هڅه کوي چې بانکي سکتور پر داسې لار برابر کړي چې پر بنسټ یې د هېواد په اقتصادي وده کې خپل مثبت رول تر سره کړي.

د افغانستان بانک سرپرست د خپلو خبرو په بله برخه کې یادونه وکړه چې د افغانستان بانک د هېواد د مرکزي بانک په توګه د غوره او اغېزناکو کړنلارو په طرحه او وړاندې کولو سره د هېواد بانکي نظام په ټولګټو پروژو کې د پانګونې لپاره هڅوي چې له دې سره یو ځای بانکي نظام پر فعالیت راغلی او درانه هېوادوال یې له آسانتیاوو څخه نېغ په نېغه او یا هم په غیر مستقیم ډول ګټه اخلي.

ورپسې، د ولسمشرۍ ماڼۍ د ملي پراختیا عملیاتي او حمایوي ادارې رئیس ښاغلي احمد وفي امین د افغانستان بانک له سرپرست ښاغلي اجمل احمدي څخه مننه وکړه چې د هېواد د بېلابېلو اقتصادي برخو لپاره په ځانکړې توګه دکور جوړونې لپاره یې د پور ورکولو په برخه کې د آسانتیاوو زمینې برابرې کړي دي.

نوموړي زیاته کړه چې د سوداګریزو بانکونو له لوري د ټولګټو پروژو د ودې لپاره د زمینې برابرول کولای شي، د افغانستان په اقتصادي وده او پرمختګ کې اغېزناکه رول تر سره کړي.

وروستي خبرونه

چهارشنبه ۱۴۰۰/۶/۲۴ - ۱۵:۴۱
Background image

د پخواني حکومت له چارواکو تر لاسه شوې نغدې پیسې د افغانستان بانک ته وسپارل شوې

۱۴۰۰ د وږي ۲۴ مه – د افغانستان د پخواني حکومت د لومړي مرستیال ښاغلي امرالله صالح او یو شمېر نورو چارواکو  له ځایونو یوه اندازه نغدې پیسې تر لاسه شوې وې چې د ا.ا.ا د مسئولینو له لوري، د. . .

چهارشنبه ۱۴۰۰/۶/۲۴ - ۱۵:۱۸
Background image

د افغانستان بانک خبرتیا

د افغانستان بانک د قانون د دري دېرشمې مادې سره سم د افغانستان دودیزه پیسې او پولي واحد افغانۍ دي. له همدې امله د ټولو افغانانو، دولتي او خصوصي ادارو او مؤسسو څخه غوښتل کېږي څو په قرار. . .

سه‌شنبه ۱۴۰۰/۶/۲۳ - ۱۴:۱۵
Background image

د افغانستان بانک د سرپرست رئیس ښاغلي الحاج عبدالقاهر پیغام

بسمه تعالی

د افغانستان بانک د سرپرست رئیس ښاغلي الحاج عبدالقاهر پیغام

الحمدلله و الصلاة والسلام علی رسول الله

اما بعد!

درنو هېوادوالو

د افغانستان بانک ټولو درنو هېوادوالو ته ډاډ. . .

بېرته خبرونه ته