د سوداګریزو بانکونو له استازو سره غونډه
د ۱۴۴۴ کال د صفر المظفر ۱۳ مه – د افغانستان بانک د بانکي څارنې د لوی آمر ښاغلي عبدالرحمن قانت په مشرۍ د سوداګریزو بانکونو له استازو سره د پیسو د لېږد را لېږد (TT) په اړه غونډه جوړه شوه.
په یاده غونډه کې د افغانستان بانک د بانکونو د څارنې لوی آمر ښاغلي عبدالرحمن قانت د افغانستان بانک له اړخه ژمنه وکړه چې په یاده برخه کې به د سوداګریزو بانکونو لپاره اړینې اسانتیاوې رامنځته کړي. نوموړي وویل د افغانستان بانک ژمن دی چې د سوداګریزو بانکونو لپاره د پیسو د لېږدونو (TT) په برخه کې تر بل هر وخت ډېرې اسانتیاوې رامنځته کړي.
نوموړي د سوداګریزو بانکونو له استازو و غوښتل چې د خلکو لپاره پر وخت اړین خدمتونه وړاندې کړي او د دوی لپاره لا زیاتې اسانتیاوې رامنځته کړي.
باید وویل شي چې د سوداګریزو بانکونو استازو په دې غونډه کې خپلې ستونزې او وړاندیزونه د افغانستان بانک د اړوندو آمریتونو له استازو سره شریک کړل چې په اړه یې د نظرونو تبادله تر سره شوه.
