د کوچني اختر د رارسېدو په مناسبت د افغانستان بانک د مشرتابه پلاوي او کارکوونکو د مبارکۍ پیغام
د افغانستان بانک مشرتابه پلاوی او کارکوونکي د درنو هیوادوالو طاعاتو، روژې او عبادتونو د قبولۍ د غوښتنې ترڅنګ د افغانستان ټول مسلمان، متدین او غیرتي ملت ته د نېکمرغه کوچني اختر مبارکي وايي او د لایزال رب له درباره غواړي، څو د دې مبارکو ورځو په برکت زمونږ په هېواد کې دایمي سوله، ورورولي، یووالی او یو سوچه اسلامي نظام قایم شي او زمونږ هېوادوال په آرامۍ او سوکالۍ کې ژوند وکړي، تر څو په ټولو برخو په ځانګړې توګه د هېواد په مالي او بانکي نظام کې د ودې او پرمختګ شاهدان ووسو.
په درنښت
د افغانستان بانک مشرتابه پلاوی
