د افغانستان بانک د عالي شورا غونډه جوړه شوه

Mpoya
سه‌شنبه ۱۴۰۳/۳/۲۲ - ۱۵:۳۶
د افغانستان بانک د عالي شورا غونډه جوړه شوه

د ۱۴۴۵ هـ ش کال د ذوالحجې ۴ مه  - د افغانستان بانک د عالي شورا غونډه د افغانستان بانک د سرپرست رئیس ښاغلي هدایت الله بدري په مشرۍ او د دې شورا د غړو په ګډون د افغانستان بانک په مرکزي دفتر کې جوړه شوه.

د دې غونډې په پیل کې د افغانستان بانک سرپرست رئیس ښاغلي هدایت الله بدري لومړی د پولي سیاستونو د اغېزناک تطبیق، د بانکوالۍ سکتور د وضعیت، په هیواد کې د اسلامي بانکوالۍ د پراختیا د هڅو، د صرافۍ د فعالیتونو د میکانیزه کولو او مالي خدمتونو ته د خلکو د لاسرسي په اړه خبرې وکړې.

ښاغلي بدري زیاته کړه چې په تېر یو کال کې افغانۍ د ډالر پر وړاندې خپل ارزښت ثابت ساتلی او د سیمې او نړۍ د ډېرو هېوادونو د اسعارو په پرتله د ښه کېدو په حال کې ده. نوموړي د بانکونو د شتمنیو د وضعیت، مدیریت او نقدینګۍ د ښه والي په اړه معلومات شریک کړل او یادونه یې وکړه چې د اسلامي بانکوالۍ په سکټور کې د خلکو د امانتونو کچه د تیرې ربعې په پرتله څلور سلنه زیاتوالی ښيي.

ورپسې د افغانستان بانک د سکتوري آمریتونو د ۱۴۰۲ لمریز کال په وروستیو شپږو میاشتو کې د پولي سیاستونو د تطبیق، د بانکي سکتور د ښه والي، د اسلامي بانکوالۍ د پراختیا او د اداینو د سیستم په برخه کې د اجراآتو راپورونه وړاندې شول او د ۱۴۰۳ کال د پلانونو په اړه بحثونه تر سره شول.

باید وویل شي چې په دې غونډه کې د افغانستان بانک د اړوندو آمریتونو له لوري د افغانستان خلکو ته د غوره خدمتونو وړاندې کولو په موخه یو شمېر وړاندیزونه شریک او د افغانستان بانک د عالي شورا له لوري منظور شول.

د یادولو وړ ده چې د افغانستان بانک عالي شورا د دې بانک د پرېکړې کولو تر ټولو لوړه مرجع ده چې په کال کې څلور ځله غونډې تر سره کوي.

وروستي خبرونه

چهارشنبه ۱۴۰۳/۱۱/۱۷ - ۸:۵۱
Background image

د بانکي حساب پرانیستل آسانه شوي دي!

آیا تاسې بانکي حساب ته اړتیا لرئ؟

اوس تاسې کولی شئ چې یواځې د تذکرې په درلودلو سره انفرادي بانکي حساب پرانیزئ. د تذکرې د نشتون په صورت کې، کولای شئ تر هغه وخت پورې چې تذکره ترلاسه کوئ،. . .

سه‌شنبه ۱۴۰۳/۱۱/۱۶ - ۱۴:۵۰
Background image

د افغانستان بانک 25 میلیونه امریکايي ډالره لیلاموي

1446 شعبان المعظم 5 مه - د افغانستان بانک غواړي چې د 1446 کال د شعبان المعظم د میاشتې په 6 نېټه (1403/11/17) د چهار شنبې پر ورځ د داوطلبۍ له لارې د (25) میلیونه امریکايي ډالرو پورې مبلغ. . .

دوشنبه ۱۴۰۳/۱۱/۱۵ - ۱۴:۰
Background image

د افغانۍ د ثبات لپاره د افغانستان بانک د هڅو د ملاتړ په موخه مطبوعاتي غونډه جوړه شوه

۱۴۴۶ د شعبان المعظم ۴ مه – د افغانستان د سوداګرۍ او پانګونې خونې له لوري د افغانیو د ارزښت ساتنې لپاره د افغانستان بانک له هڅو د ملاتړ په موخه مطبوعاتي غونډه جوړه شوه. په دې غونډه کې د. . .

بېرته خبرونه ته