د چین هیواد له سوداګرو سره غونډه
۱۴۴۳ ذوالحجه ۲۵ مه – د افغانستان بانک د ستر اقتصادي سلاکار ښاغلي لطف الحق نور پسرلي پر مشرۍ د چین هیواد د سوداګرو له یوې ډلې سره غونډه جوړه شوه.
په دې غونډه کې د بانکي اړیکو د پراختیا، راکړو او ورکړو، سوداګرۍ د ودې او یو شمېر نورو اړوندو موضوعګانو په اړه هر اړخیزې خبرې وشوې او د نظرونو تبادله تر سره شوه.
د افغانستان بانک د هیواد د مرکزي بانک په توګه ژمن دی چې له ټولو نړیوالو هېوادونو، په ځانګړې توګه له مالي او بانکي بنسټونو سره د نړیوالو قوانینو او مقرراتو په رڼا کې غوره بانکي اړیکې ولري او دې اړیکو ته تر بل هر وخت زیاته پراختیا ورکړي.
