د MTN او M1 شرکتونو له استازو سره غونډه
۱۴۴۴ د رمضان المبارک ۱۹مه - د افغانستان بانک د دویم مرستیال ښاغلي عبدالقدیر احمد په مشرۍ د MTN او M1 شرکتونو له استازو سره د MoMo خدمتونو او یو شمېر نورو اړوندو موضوعګانو په اړه غونډه جوړه شوه.
په یاده غونډه کې د افغانستان بانک دویم مرستیال ښاغلي عبدالقدیر احمد د یادو شرکتونو استازو سره د افغانستان بانک په اړوند برخو کې له خپله اړخه د هر ډول همکارۍ ژمنه وکړه او د الکترونیکي بانکوالۍ خدمتونو پراختیا یې د خوار ارزښت وړ یاده کړه.
نوموړي زیاته کړه د برېښنایي بانکوالۍ د پراختیا په برخه کې مخابراتي شبکې او د نوي عصر تکنالوژي مهم رول لوبولای شي او تمه ده چې دا شبکې به په هېواد کې د برېښنایي بانکوالۍ د پراختیا په برخه کې خپل مثبت رول تر سره کړي.
د یادونې وړ ده چې په دې غونډه کې د افغانستان بانک د ریاست د دفتر لوی آمر ښاغلي صدیق الله خالد، د بانکي څارنې لوی آمر ښاغلي عبدالرحمن قانت او د غیر بانکي مالي مؤسسو د څارنې لوی آمر ښاغلي احمد ظاهر ناصرزي هم ګډون درلود.
