د الکترونیکي بانکوالۍ د پراختیا په موخه د غونډې جوړېدل
د ۱۴۴۵ کال د رجب المرجب ۱۶ مه – د افغانستان بانک د سرپرست رئیس ښاغلي هدایت الله بدري په مشرۍ د الکترونیکي بانکوالۍ د پراختیا غونډه جوړه شوه.
په دغه غوونډه کې د افغانستان بانک د ټولو سرپرست رئیس د برېښنایي بانکوالۍ پر ارزښت خبرې وکړې او دا بانکوالي یې د ننني عصر غوښتنه یاده کړه، نوموړي د افغانستان بانک د اړوندو برخو له کارکوونکو وغوښتل چې د دې بانکوالۍ د پراختیا او پرمختګ لپاره په ټول توان هڅه وکړي او له دې لارې درنو هېوادوالو ته د غوره خدمتونو د وړاندې کولو زمینه برابره کړي.
ورپسې د افغانستان بانک د اداینو سیستم (APS) لوی آمریت کارکوونکو په ذکر شوې برخه کې د رامنځته شوو پرمختګونو په اړه معلوماتي پریزنټیشن شریک کړ او د ګډونوالو تر منځ د الکترونیکي بانکوالۍ د پراختیا په موخه د نظرونو تبادله تر سره شوه.
د دې غونډې جمع بندي د افغانستان بانک د پالیسۍ ستر سلاکار ښاغلي معراج محمد معراج وکړه، نوموړي د الکترونیکي بانکوالۍ په برخه کې را منځته شوي پرمختګونه وستایل او په دې برخه کې د پرمختګ لپاره یې د اړوندو ادارو تر منځ په لا ډېره همغږۍ او د تخنیکي ناستو په زیاتوالي ټینګار وکړ.
