د افغانستان بانک ۱۱ میلیونه امریکايي ډالره لیلاموي
۱۴۴۳ ذوالقعده ۱۳ مه - د افغانستان بانک غواړي چې د ۱۴۴۳ کال د ذوالقعده د میاشتې په ۱۴ نېټه (۱۴۰۱/۰۳/۲۳) د دو شنبې په ورځ د داوطلبۍ له لارې د اړتیا په صورت کې (۱۱) میلیونه امریکايي ډالره په لیلام ډول پلوري. د افغانستان بانک له سوداګریزو بانکونو او د صرافۍ او د پولي خدمتونو له شرکتونو څخه چې په شرایطو برابروي، غوښتنه کوي، څو په دې داوطلبۍکې ګډون وکړي. د لیلام ګټوونکي اړ دي څو خپل حسابونه د لیلام د ورځې تر پایه پورې تصفیه کړي.
د اسعارو د لیلام په داوطلبۍ کې د معاملاتو قسمي تسویې ته اجازه نه ورکول کیږي، د لیلام ګټوونکي د خپل ذمت د قیمت پیسې په یو ځل په نغد ډول په ټاکلي موده کې د افغانستان بانک ته سپاري.
