له ټولو ګرانو هېوادوالو څخه غوښتنه کیږي چې له بې جوازه صرافانو سره د پیسو د مبادلې او حوالې د معاملاتو له ترسره کولو څخه ډډه وکړي!
له دې لارې ګرانو هېوادوالو ته خبر ورکول کیږي چې د پیسو د مبادلې او حوالې معاملې دې له هغو صرافانو سره ترسره کړي چې د افغانستان بانک لخوا ورته د فعالیت جوازونه صادر شوي دي. جواز لرونکي صرافان په مرکز او ولایتونو کې د هېواد په ټولو سیمو کې فعالیت کوي او له ګرانو هېوادوالو څخه هیله کیږي چې د خپلو پيسو د خوندیتوب لپاره باید خپل مالي معاملات د جواز لرونکو صرافانو له لارې ترسره کړي.
د افغانستان بانک د 12862 ګڼې او 03/03/1403 نیټې متحدالمال له لارې محترمو صرافانو ته خبر ورکړی دی او اوس یو ځل بیا هغو ټولو وګړو او اشخاصو ته، چې د افغانستان بانک لخوا د صادر شوي جواز څخه پرته په غیر قانوني ډول د صرافیو او پولي خدمتونو فعالیتونه ترسره کوي، خبر ورکول کیږي ترڅو خپلې غیر قانوني کړنې ژر تر ژره ودروي. د دې پرېکړې د نه عملي کولو په صورت کې به له سرغړوونکو سره قانوني چلند وشي.
