د افغانستان بانک د خطرونو او قانون رعایتولو د مدیریت کمېټه جوړه شوه

Mpoya
دوشنبه ۱۴۰۲/۱۱/۲۳ - ۱۴:۲۷
د افغانستان بانک د خطرونو او قانون رعایتولو د مدیریت کمېټه جوړه شوه

د افغانستان بانک د لومړي مرستیال ښاغلي نور احمد آغا په مشرۍ د افغانستان بانک د خطرونو او قانون رعایتولو د مدیریت کمېټه د یادې کمېټې د غړو په ګډون د رجب المرجب د میاشتې په ۳۰ نېټه جوړه شوه.

په پیل کې ښاغلي نور احمد آغا د دې کمېټې د غونډو د جوړېدو د ارزښت او په د افغانستان بانک کې د خطرونو د کمولو او قوانینو او مقرراتو د رعایتولو لپاره د مناسبو او اړینو تدابیرو د نیولو په تړاو خبرې وکړې او ټینګار یې وکړ چې په اغېزناکه توګه د افغانستان بانک د چارو پرمخ بیولو لپاره د پیسو وینځلو او له جرمونو څخه د ترلاسه شوو عوایدو پر وړاندې د مبارزې د قوانینو او مقرراتو او د ملي او نړیوالو بندیزونو د لیستونو پلي کول ډېر اړین دي.

همدا ډول ښاغلي نور احمد آغا زیاته کړه چې د افغانستان بانک د مالي او غیر مالي خطرونو ارزول او پېژندل هم یو اړین او د ارزښت وړ کار دی او ښه به وي څو د دې خطرونو د کمولو لپاره د خطرونو د کمېدو پلان ترتیب او په اغېزناکه توګه د اړوندو آمریتونو لخوا پلي شي.

ورپسې د افغانستان بانک د خطرونو او قانون رعايتولو مديريت د کمېټې منشي ښاغلي ياسر ذهين چې هم مهاله د خطرونو او د قانون رعايتولو لوی آمر هم دی، د خپل آمريت د کاري کړنو راپور چې پکې لاسته راوړنې، نوښتونه، پرمختګونه، د افغانستان بانک د ارزول شوو ساحو د غیر مالي خطرونو د ارزونو موندنې چې په 2023 مالي کال کې ترسره شوې وې، وړاندې کړې.

د غونډې په دوام کې د کمېټې غړو د لاسته راوړنو، د خطرونو د ارزونو موندنو او د خطرونو کمولو لپاره د مخه نیونکو اقداماتو په موخه د اړینو وړاندیزونو په تړاو نظرونه تبادله او د پام وړ وړانديزونه تاييد کړل.

د یادونې وړ ده چې په دې غونډه کې د افغانستان بانک دویم مرستيال ښاغلی ملا محمد اخند او د افغانستان بانک د عالي شورا غړي ښاغلي عبدالوکيل منتظر د دې کمېټې د غړو په توګه ګډون کړی وو چې د پیسو وينځلو او له جرمونو څخه د ترلاسه شوو عوايدو پر وړاندې د مبارزې رژیم د پياوړتیا او د افغانستان بانک د خطرونو مديريت په برخه کې یې د افغانستان بانک د مشرتابه پلاوي له هر اړخیز ملاتړ څخه ډاډ ورکړ.

وروستي خبرونه

چهارشنبه ۱۴۰۲/۱۲/۹ - ۱۱:۱۰
Background image

د افغانستان بانک 17 میلیونه امریکايي ډالره لیلاموي

1445 شعبان المعظم  17 مه - د افغانستان بانک غواړي چې د 1445 کال د شعبان المعظم د میاشتې په 18 نېټه (1402/12/10) د پنج شنبې په ورځ د داوطلبۍ له لارې تر (17) میلیونه امریکايي ډالرو پورې د. . .

چهارشنبه ۱۴۰۲/۱۲/۹ - ۹:۱۱
Background image

د افغانستان بانک د ټولو سرپرست رئیس د ایم ټي ان شرکت مسؤلینو سره ولیدل

۱۶ شعبان المعظم ۱۴۴۵- د افغانستان بانک او د ایم ټي ان شرکت نویو مسؤلینو ترمنځ د برېښنايي معاملاتو  په برخه کې د همکارۍ او آسانتیاوو رامنځته کولو په موخه غونډه جوړه شوه.

د افغانستان. . .

چهارشنبه ۱۴۰۲/۱۲/۲ - ۱۴:۳۷
Background image

د افغانستان بانک له لویدیځ زون څخه راټول شوي بانکنوټونه وسوځول

۱۴۴۵ شعبان المعظم ۱۰- د افغانستان بانک په راکړو ورکړو کې د آسانتیاوو رامنځته کولو په موخه د افغانستان بانک د قانون د ۳۹ او ۴۲ مادو او اړوندې کړنلارې سره سم د ۴۹۳۰۷۰۰۰۰ (څلور سوه درې نوي. . .

بېرته خبرونه ته