د تش بست خبرتیا

د بست نوم:  د سافټ ویر د پراختیا مدېر

آمریت: د معلوماتي ټکنالوژۍ لوی آمریت

ګریډ: (۸) آتم

د بستونو شمېر: دوه (۲)

د خبرتیا د پیل نېټه: ۱۴۴۶ د صفرالمظفر  ۲۹    

د خبرتیا د پای نېټه: ۱۴۴۶ د ربیع الاول ۱۲

د ګمارنې ډول: دایمي

دندې او مسؤولیتونه:

• د کړنو د ښه والي، د اغیزناکتیا او کاري ګټورتیا د زیاتولو، د ښوونیزو اړتیاوو د معلومولو او د هغوی د ظرفیت لوړولو لپاره د انګېزې رامنځته کولو په موخه د کارکوونکو او د اړوند مدیریت د چارو مدیریت، رهبرۍ، څارلو، کنټرول او ارزول

• له عمومي پلان سره سم د میاشتني، ربعوار او کلني کاري پلانونو طرحه او ترتیبول

• د تقنیني او اداري سندونه لکه مقرراتو، لایحو، ستراتیژیو او پلانونو ، پالیسو، د کارکوونکو د دندو لایحو، کاري کړنلارو او معیاري فورمو د طرحې، تسوید، تعدیل او نورو پړاوونو د ترسره کولو لپاره د اړینو موادو د برابرولو په برخه کې همکاري کول؛

• د معلوماتو د ساتنې په برخه کې د کاري بهیر د اسانه کولو په موخه له اړوندو برخو سره د اړیکو او همغږي درلودل؛

له دودیزه معیارنو او لوړ خوندیتوب سره د اړتیا وړ سیستم او پروګرامونو د جوړولو لپاره د سافت ویر د انجینری او د اړتیا وو د راټولولو په برخه کې له مستقیم مدیر سره همکاری کول؛

د شته سافټویرونو د پرختیا، د راتول شوو معلوماتو د شننې او پلټنې، په شته پروګرامونو او سافټویرونو د رامنځته شوو ستونزو د حل په برخه کې له مستقیم مدیر سره همکاری کول؛

• د ادارې له اړتیاو سره سم د اپلکیشنونو يوځای کول؛

• د نويو سیستمونو پراختیا او ډیجیټلي کول او د مرکزي بانک شته اپلکېشنونو ته رسېدنه؛

• د داخلي پرمختللو سیستمونو لپاره SRS, Documentation او داسې نور اړین سندونه؛

• د بانک لپاره د سیستمونو د ډیجیټلي کولو په برخه کې د نويو ټیکنالوژیو وړاندیز کول.

• په هارډ او سافت ډول په فایلونو او کارتنونو کې په سمه او منظمه توګه د رسمي لیکونو، وړاندیزونو، پوښتنلیکونو او داسې نورو اداري لیکونو لیکل، تنظیمول او ساتل او همدا ډول د مستقیم مدیر او واک لرونکي آمر له لارښوونې سره سم په ټاکلي وخت د هغه د نورو پړاوونو ترسره کول.

• د اړوند مدیریت د کړنو او لاسته راوړنو په اړه د اونیزو، میاشتنيو، ربعوارو، کلنیو او د اړتیا په صورت کې د کړنو د پرمختګ په اړه د راپورونو راټولول، توحیدول او ترتیبول؛

• د کاري پلانونو ترتیبول او مستقیم مدیر او واک لرونکي آمر ته د کاري راپور وړاندې کول؛

• د نورو ټولو هغو دندو او مسئولیتونو ترسره کول چې د کړنلارو، لارښوونو او د لوړ پوړي مقام د لارښوونې پر بنسټ له لایحې او مقررو سره سم ورسپارل کېږي.

د بست اړین شرایط:           

د زده کړې درجه او رشته: د کمپیوټر ساینس او معلوماتي ټکنالوژۍ په برخه کې لیسانس او د دندې اړوند د تخصصي سندونو درلودل او په اړونده برخه کې د ماسټرۍ سند ته ترجیح ورکول کیږي.

تجربه: د دندې اړوند درې (۳) کلنه کاري تجربه.

مهارتونه او وړتیاوې: په ملي ژبو او انګلیسي بلدتیا، د مدیریتي مهارتونو درلودل Front-end Framework = (Vue or Next.js/React.js)

• Library UI = (Tailwind CSS, jQuery or Bootstrap)

• Back-end Framework = (.NET Core, Java Spring, FastApi, or Laravel)

• #Programming Languages = Java, Python, PHP or C#

• Architectures = Monolithic and Micro-services

• Technologies = Docker, RESTful API

• Databases = MySQL, SQL Server

 له بانکي قوانینو او مقررو سره بلدتیا، د رسمي لیکونو، وړاندیزونو او کاري راپورونو د لیکلو وړتیا، د کاري مسؤلیت پوهه او درک او په کاري ساحه کې د ستونزو پېژندل، د دندې د محرمیت ساتل، د مرکزي بانک د دندو او موخو په اړه پوهه لرل، د پروپوزلونو او د پروژې مدیریت د تنظیمولو وړتیا.

شخصي صفتونه او ارزښتونه:

رښتینی، د نیک چلند خاوند، نوښتګر، دسپلین لرونکی، دندې او وخت ته پوره پابند، ډله ایز کار ته لېواله، همکار، مسئولیت منونکی، تصمیم نیوونکی او په کاري برخه کې مسلکي.

یادونه:

درخواست کوونکی کولای شي لومړی په Jobs.dab.gov.af ویب پاڼه کې ځانته یوزر جوړ او بیا د خپلي خوښي بست وټاکي او غوښتل شوي سندونه دې د pdf په بڼه اپلوډ کړي.

د ازموینې د اخیستلو لپاره یوازې له ټاکل شویو درخواست کوونکو سره اړیکه نیول کېږي.

د آزموینې نېټه وروسته اعلانیږي.