د اروپایي ټولنې له استازو سره د غونډې جوړېدل
![د اروپایي ټولنې له استازو سره د غونډې جوړېدل](/sites/default/files/2022-04/1_0_3.jpg)
۱۴۴۳ رمضان ۱۶ مه – د افغانستان بانک ستر اقتصادي سلاکار ښاغلي لطف الحق نور پسرلي د اروپايي ټولنې له استازو سره د افغانستان بانک په مرکزي دفتر کې ولیدل او پر بېلابېلو مالي او بانکي مسائلو یې ورسره بحث وکړ.
په یاده غونډه کې د افغانستان بانک ستر اقتصادي سلاکار یادونه وکړه چې د افغانستان بانک په مالي او بانکي برخو کې ټولو هغو نړیوالو اصولو ته چې د اسلامي شریعت له اصولو سره په ټکر کې نه وي ژمن دی او هڅه کوي چې له ټولو نړیوالو مالي او بانکي ادارو سره خپلو اړیکو ته پراختیا ورکړي.
باید وویل شي چې په دې غونډه کې د اروپايي ټولنې استازو په مالي او بانکي برخو کې د افغانستان بانک له همکارۍ مننه وکړه او ژمنه یې وکړه چې له خپل لوري به هم خپلو همکاریو ته دوام ورکړي.