د افغانستان بانک خبرتیا
له دې لارې هېوادوالو ته خبر او ډاډ ورکول کېږي؛ چې د افغانستان بانک د افغانۍ بانکنوټونو د چاپ په برخه کې له پلان سره سم د پام وړ پرمختګونه ترلاسه کړي، او هېواد ته د دغو بانکنوټونو د رارسېدو پړاوونه به له پالسۍ سره سم پیل شي. دا بانکنوټونه د هېواد د معقولو پولي سیاستونو پر بنسټ، د اقتصادي ودې او په بازار کې پیسو ته له اړتیا سره سم خپرېږي. همدارنګه زاړه بانکنوټونه به په سیستماتیک ډول او په دې برخه کې د شته کړنلارې پر بنسټ راټولېږي او له دوران څخه به وویستل شي.
د افغانستان بانک له خپلو هېوادوالو څخه غوښتنه کوي څو د بانکنوټونو د ساتلو اړینو تدابیرو او د راکړو ورکړو په اوږدو کې د مسؤلانه چلند په پام کې نیولو سره، د افغانۍ بانکنوټونو د ژر زړېدو مخه ونیسی او د دې ملي پانګې په ساتنه کې خپله ونډه ترسره کړي.
