د افغانستان بانک د موخو، دندو او عمومي پالیسیو په اړه ننګرهار ولایت کې د روښان لوړو زده کړو مؤسسې محصلینو لپاره روزنیز سیمینار جوړ شو

Mpoya
چهارشنبه ۱۴۰۲/۱۲/۱۶ - ۱۴:۳۴
د افغانستان بانک د موخو، دندو او عمومي پالیسیو په اړه ننګرهار ولایت کې د روښان لوړو زده کړو مؤسسې محصلینو لپاره روزنیز سیمینار جوړ شو

۱۴۴۵ شعبان المعظم ۲۴ -  د افغانستان بانک پلاوي، چې د بانکي سکتور ملاتړ او د اسلامي بانکوالۍ د ترویج په موخه یې د یوې ولسي غونډې جوړولو په پار د ختیځ زون ننګرهار ولایت ته سفر کړی وو، د خپل سفر په ترڅ کې د روښان لوړو زده کړو مؤسسې محصلینو ته د افغانستان بانک د موخو، دندو او عمومي پالیسیو د معرفي کولو لپاره روزنیز سیمینار جوړ کړ. په دې سیمینار کې شاوخوا ۳۰۰ محصلینو برخه اخیستې وه.

د سیمینار په پیل کې د روښان لوړو زده کړو مؤسسې علمي مرستیال ښاغلي توریالي همت د افغانستان بانک پلاوي ته د ښه راغلاست ویلو ترڅنګ په بیلابیلو برخو کې د افغانستان بانک د لاسته راوړنو او په ځانګړي ډول د اسعارو پر وړاندې د افغانۍ نرخ د ثبات ستاینه وکړه. هغه له محصلينو څخه وغوښتل چې د افغانۍ د ترويج سفيران شي او په خلکو کې يې د ملي هويت په توګه ترویج کړي او د سمې ساتنې لپاره يې هڅې وکړي.

ورپسې د افغانستان بانک د اسلامي بانکوالۍ آمر ښاغلي دوکتور محمد یوسف سلیم له علمي ادارو او مؤسسو سره د اړیکو ټینګولو او ساتلو پر اهمیت خبرې وکړې او د عامه ذهنونو په روښانولو او ذهنیت جوړولو کې یې د تحصیلي ارګانونو رول مهم وباله. هغه له استادانو او محصلینو څخه وغوښتل چې په هېواد کې د اسلامي بانکوالۍ ترویج لپاره د افغانستان بانک سره همکاري وکړي.

د دغه سيمينار په بله برخه کې د مالي خدمتونو د پراختيا آمریت معاون ښاغلي خالد واحدي مالي خدمتونو ته د خلکو د لاسرسي، د کاري فرصتونو رامنځته کولو او د آسانه او باکيفيته مالي تمويل کڅوړو په ترلاسه کولو سره د کوچنيو او منځنیو تشبثاتو پيلولو پر اهمیت خبرې وکړې او د دې ډول سیمینارونو جوړول یې د حکومتي ادارو د مسؤلینو او محصلينو ترمنځ د خبرو اترو لپاره یوه ښه لاره وګڼله او دوام يې د مالي خدمتونو د پراختيا لپاره مهم وباله.

په دې غونډه کې د غیر بانکي مالي مؤسسو د څارنې آمریت معاون ښاغلي شاه پور میاخیل او د مالي ثبات کمیټې مدیر ښاغلي عبدالحسیب امانت د صرافانو او مالي خدمتونو وړاندې کوونکو فعالیتونو د میکانیزه کولو او د بانکي سکتور ښه والي په تړاو معلومات وړاندې کړل او په دې برخو کې یې د افغانستان بانک د اغیزناکو کړنو په هکله ډاډ ورکړ.

د دې سیمینار جمع بندي د ختیځ زون سیمه ییز اقتصاد پوه ښاغلي تاج محمد تمکین ترسره کړه او په اغیزناکه توګه د پولي سیاستونو او ګټورو پلانونو د تطبیق، د افغانۍ د ارزښت ساتلو او د اسعارو پر وړاندې یې د ثبات په برخه کې د افغانستان بانک د امکاناتو څخه ډاډ ورکړ او د محترمو محصلینو او استادانو څخه یې وغوښتل چې په ختیځ زون کې د افغانۍ ترویج او د راکړو ورکړو پر مهال د افغاني بانکنوټونو سمې ساتنې ته د پاملرنې په برخه کې خپل رول ولوبوي.

وروستي خبرونه

یکشنبه ۱۴۰۳/۲/۳۰ - ۱۴:۱۷
Background image

د افغانستان بانک سرپرست رئیس د ملګرو ملتونو د سر منشي له مرستیالې سره ولیدل

۱۴۴۵ ذوالقعدة الحرام ۱۰– د افغانستان بانک د ټولو سرپرست رئیس ښاغلي هدایت الله بدري د ملګرو ملتونو د سر منشي له مرستیالې آغلې روزماري دیکارلو سره د افغانستان بانک د عالي شورا په تالار کې. . .

چهارشنبه ۱۴۰۳/۲/۲۶ - ۱۶:۷
Background image

په هیواد کې معیاري بانکي خدمتونو ته د خلکو د لاسرسي د اسانتیا په موخه د غونډې جوړېدل

۱۴۴۵ ذوالقعدة الحرام ۶ مه - د افغانستان بانک د لومړي مرستیال ښاغلي نوراحمد اغا په مشرۍ معیاري، ارزانه، آسانه او با کیفیته بانکي خدمتونو ته د خلکو د لاسرسي په موخه د افغانستان بانک د. . .

دوشنبه ۱۴۰۳/۲/۱۰ - ۱۳:۴۰
Background image

د افغانستان بانک 16 میلیونه امریکايي ډالره لیلاموي

1445 شوال المکرم 20 مه - د افغانستان بانک غواړي چې د 1445 کال د شوال المکرم د میاشتې په 21 نېټه (1403/02/11) د سه شنبې په ورځ د داوطلبۍ له لارې تر (16) میلیونه امریکايي ډالرو پورې د. . .

بېرته خبرونه ته