د افغانستان بانک رسنیزه اعلامیه

Mpoya
چهارشنبه ۱۴۰۱/۱۱/۱۹ - ۱۳:۲۱
د افغانستان بانک رسنیزه اعلامیه

د افغانستان بانک له سوداګرو، صرافانو، د قیمتي ډبرو کاروباریانو او له ګرانو هېوادوالو څخه په خورا درنښت غوښتنه کوي چې په اقتصادي معاملو او راکړو او ورکړو کې د افغانۍ د کارولو، له هېواد څخه بهر د اسعارو د لېږد، د اسعارو، سرو زرو، قیمتي ډبرو، لرغونو اثارو د قاچاق او افغانستان ته د سیمې هېوادونو د پیسو د راوړلو د مخنیوي په تړاو د ریاست الوزرا ء د قدرمن مقام د رسنیزې اعلامیې درج شوي مواد په پام کې ونیسي او ملي ارزښتونو ته د درناوي لپاره له دې پروسې ملاتړ وکړي.

د افغانستان بانک ډاډمن دی چې دا اقدام به د افغانستان د خلکو په خیر وي او د اسعارو پر وړاندې به د افغانۍ د ارزښت د لا ټینګښت او ټیکاو په برخه کې اغیزناکه رول ولري او په ټولیزه کچه به د ټول هېواد ملي ګټې تأمین کړي.

د افغانستان بانک د هېواد د مرکزي بانک په توګه یو ځل بیا د یو سالم مالي او بانکي سیستم د درلودلو لپاره له ملي او نړیوالو شریکانو سره خپلې ژمنې تازه کوي او د خپل کاري واکونو په محدوده کې له هر ډول ګټورې او اغیزناکې پروسې چې د عامه ګټو د تأمینولو لامل کېږي، ملاتړ کوي.

وروستي خبرونه

دوشنبه ۱۴۰۲/۱۲/۷ - ۱۲:۵۹
Background image

د افغانستان بانک 17میلیونه امریکايي ډالره لیلاموي

1445 شعبان المعظم  15 مه - د افغانستان بانک غواړي چې د 1445 کال د شعبان المعظم د میاشتې په 16 نېټه (1402/12/08) د سه شنبې په ورځ د داوطلبۍ له لارې تر (17) میلیونه امریکايي ډالرو پورې د. . .

چهارشنبه ۱۴۰۲/۱۲/۲ - ۱۴:۳۷
Background image

د افغانستان بانک له لویدیځ زون څخه راټول شوي بانکنوټونه وسوځول

۱۴۴۵ شعبان المعظم ۱۰- د افغانستان بانک په راکړو ورکړو کې د آسانتیاوو رامنځته کولو په موخه د افغانستان بانک د قانون د ۳۹ او ۴۲ مادو او اړوندې کړنلارې سره سم د ۴۹۳۰۷۰۰۰۰ (څلور سوه درې نوي. . .

دوشنبه ۱۴۰۲/۱۱/۲۳ - ۱۴:۲۷
Background image

د افغانستان بانک د خطرونو او قانون رعایتولو د مدیریت کمېټه جوړه شوه

د افغانستان بانک د لومړي مرستیال ښاغلي نور احمد آغا په مشرۍ د افغانستان بانک د خطرونو او قانون رعایتولو د مدیریت کمېټه د یادې کمېټې د غړو په ګډون د رجب المرجب د میاشتې په ۳۰ نېټه جوړه. . .

بېرته خبرونه ته