د افغانستان د مسلک اصل او د مسلکي کدرونو ساتنې ته ژمن دی
لکه څنګه چې تاسو ته معلومه ده، تېرو ستونزو ته په پام سره او همدارنګه د وروستیو تحولاتو له امله د افغانستان بانک یو شمېر بستونه تش شوي وو.
د افغانستان بانک په چارو کې د ځنډ له راتګ څخه د مخنیوي، د چارو د چټکتیا او اسانتیا په موخه، د قانونیت اصل او هغې ژمنې په پام کې نیولو سره چې د کاري کیفیت د ساتلو او خپلو خدمتونو پر وړاندې یې لري، په شرایطو برابرو غوښتونکو د کره نوملړ له ترتیبولو وروسته د نویو ټاکل کېدونکو کارکوونکو څخه د ازموینې اخیستلو او استخدام پروسه پیل کړه چې په پای کې یې زیات شمېر یاد بستونه د ازادې سیالۍ له لارې بشپړ, وړ او د لوړو زده کړو، کاري تجربې او مسلکي مهارتونو لرونکي اشخاص په دندو وګمارل شول.
په همدې اساس، د افغانستان بانک او په ځانګړې توګه د معلوماتي ټکنالوژۍ، خدمتونو او اداري برخو زیات شمېر تش بستونه ډک شوي او د دندو او په چارو کې د خنډ او ځنډ څخه د شته شرایطو او امکاناتو سره سم مخنیوی شوی او همدا ډول درنو هېوادوالو ته د خدمت کولو په موخه د چارو د لا پیاوړتیا او ښه والي لپاره هڅه شوې ده.
