د افغانۍ د مندرسو بانکنوټونو سوځول
۱۴۰۰ د سلواغې ۲۷ مه – د افغانستان بانک د قانون د ۳۹ او ۴۲ مادې پر بنسټ شپږ سوه او اته لس میلیونه زاړه او مندرس د سلګون، شلګون او لسګون افغانۍ بانکنوټونه د ټاکل شوي پلاوي په شتون کې تر کره شمېرنې وروسته وسوځول شول.
د افغانستان بانک لومړي مرستیال ښاغلي نور احمد آغا وویل چي د بانکنوټونو ساتنې ته پاملرنه د ټولو ملي مسئولیت دی او له خلکو یې وغوښتل چې د سوداګریزو راکړو و ورکړو پر مهال د بانکنوټونو ساتنې ته پاملرنه وکړي، څو له دې لارې د بانکنوټونو له ژر زړېدو څخه مخنیوی وشي.
د یادونې وړ ده، چې راټول شوي زاړه او له کاره لویدلي بانکنوټونه د عدلیې او مالیې وزارتونو، اړوندو ادارو او د افغانستان بانک د بېلابېلو آمریتونو استازو په شتون کې د ګمارل شوي پلاوي له خوا تر بارولو وروسته ځانګړو کُرو ته انتقال او په یو ځل وسوځول شول.
