د تضمیناتو، تامیناتو او طلباتو د استرداد په اړه د پنځه ګونو شرکتونو د ټولنې له استازو سره لیدنه
۱۴۴۴ د جمادي الاول ۲۶ مه ـ د افغانستان بانک د سرپرست رئیس ښاغلي عبدالقاهر حاجي ادریس په مشرۍ د ساختماني، لوجستیکي، کورنیو تولیداتو، سړک جوړونې او خدمتونو د پنځه ګونو شرکتونو د ټولنو له استازو سره غونډه جوړه شوه او د تضیناتو، تأمیناتو او طلباتو د استرداد په اړه پکې هر اړخیز بحثونه تر سره شول.
په یاده غونډه کې د افغانستان بانک سرپرست رئیس ښاغلي عبدالقاهر حاجي ادریس یادونه وکړه چې د افغانستان بانک ژمن چې د خپلو امکاناتو په پام کې نیولو سره د یادو شرکتونو لپاره د مصوبې سره سم اړینې اسانتیاوې برابرې کړي.
د یادونې وړ ده چې د افغانستان بانک د هېواد د مرکزي بانک په توګه تل هڅه کړې ده چې د درنو هېوادوالو لپاره په مالي او بانکي برخو کې اړینې اسانتیاوې رامنځته کړي.
