په شمال زون کې مندرس بانکنوټونه وسوځول شول

Mpoya
سه‌شنبه ۱۴۰۳/۵/۲ - ۱۵:۱۵
په شمال زون کې مندرس بانکنوټونه وسوځول شول

۱۴۴۶ د محرم الحرام ۱۶ مه – د افغانستان بانک له لوري (۱،۰۷۳،۹۶۲،۰۰۰) یو میلیارد، درې اویا میلیونه، نهه سوه او دوه شپيته زره افغانیو په ارزښت مندرس بانکنوټونه چې د شمال او شمال ختیځ زونونو څخه را ټول شوي وو او د افغانۍ (۱۰۰۰،۵۰۰،۱۰۰،۵۰،۲۰،۱۰،۲) انواعیې په کې شاملې وې د ټاکل شوي پلاوي په شتون کې تر کره شمېرنې وروسته و سوځول شول.

د یادو بانکنوټونو د سوځونې پر مهال د افغانستان بانک دویم مرستیال ښاغلي ملا محمد آخند وویل د افغانستان بانک له لوري مندرس بانکنوټونه د یو معلوم طرزالعمل په اساس را ټولېږي او له ګردښت څخه ایستل کېږي.

نوموړي زیاته کړه د بانکنوټونو ساتنې ته نه پاملرنه د دې سبب شوې ده چې بانکنوټونه له وخت وړاندې مندرس او له کاره ولوېږي، د افغانستان بانک دویم مرستیال له خلکو وغوښتل چې د سوداګریزو راکړو ورکړو پر مهال د بانکنوټونو ساتنې ته پوره پاملرنه وکړي، ترڅو له وخت وړاندې مندرس نه شي.

د یادونې وړ ده، چې راټول شوي له کاره لویدلي مندرس بانکنوټونه د عدلیې او مالیې وزارتونو، اړوندو ادارو او د افغانستان بانک د بېلابېلو آمریتونو د استازو په شتون کې د ګمارل شوي پلاوي له خوا تر بارولو وروسته د بلخ ولایت په بلخ ولسوالۍ کې ځانګړې کرې ته انتقال او وسوځول شول.

وروستي خبرونه

پنجشنبه ۱۴۰۴/۱/۷ - ۱۰:۴۷
Background image

د افغانستان بانک 15 میلیونه امریکايي ډالره لیلاموي

1446 رمضان المبارک   27 مه - د افغانستان بانک غواړي چې د 1446 کال د رمضان المبارک د میاشتې په 29 نېټه (1404/01/09) د شنبې پر ورځ د داوطلبۍ له لارې د (15) میلیونه امریکايي ډالرو پورې. . .

چهارشنبه ۱۴۰۴/۱۲/۲۹ - ۱۲:۴۷
Background image

د مالي خپلواکۍ پر لور مهم ګام : د افغانستان بانک او د مالیې وزارت ترمنځ د برېښنایي تادیاتو هوکړه

۱۴۴۶ د رمضان المبارک ۱۹ مه  – د افغانستان بانک او د مالیې محترم وزارت ترمنځ په شفاف ډول عوایدو راټولولو، امارتي لګښتونو او معاشونو د برېښنایي تادیاتو هوکړه لیک لاسلیک شو.

دا هوکړه د. . .

پنجشنبه ۱۴۰۳/۱۲/۱۶ - ۱۴:۳۵
Background image

د افغانستان بانک خبرتیا

ګرانو هیوادوالو!

د ملي پولي واحد کارونه د اقتصاد د پیاوړتیا لپاره یو اساسي ګام دی، چې د هېواد اقتصادي خپلواکۍ ته لاره هواروي.

په همدې موخه، د افغانستان بانک له اوږدمهاله هڅو، همغږۍ او. . .

بېرته خبرونه ته