د تېرې فاسدې ادارې د ځینو اشخاصو څخه تر لاسه شوې نغدې پیسې د مالیې وزارت ځانګړي حساب ته ولېږدول شوې

Mpoya
یکشنبه ۱۴۰۰/۷/۱۸ - ۱۵:۲۵
د تېرې فاسدې ادارې د ځینو اشخاصو څخه تر لاسه شوې نغدې پیسې د مالیې وزارت ځانګړي حساب ته ولېږدول شوې

۱۴۰۰ د تلې ۱۷ مه – د افغانستان بانک هغه نغدې پیسې چې د ا.ا.ا د مسئولینو له لوري په پنجشیر، خوست، کابل او لوګر ولایتونو کې نیول شوې وې او د دې بانک په خزانه کې ساتل کېدې د مالیې وزارت ځانګړي حساب ته (۳۰۰۰۲۰۸۲۰۳۰۴۱) ته ولېږدول شوې.

هغه مهال چې دا پیسې د افغانستان بانک ته سپارل کېدې د افغانستان بانک مسئولینو یادونه کړې وه چې د ا.ا.ا کسان امانتداره او ژمن خلک دي او پر همدې بنسټ ټولې نیول شوې نغدې پیسې چې په خوندي ډول د افغانستان بانک خزانې ته سپارل شوې وې د مالیې وزارت حساب ته ولېږدول شوې.

د پیسو ډول او کچه:

۸۶،۱۶۴،۳۵۰ افغانۍ

۱۵،۹۹۵،۳۷۷ امریکایي ډالر

۷،۴۵۰ یورو

۳۰،۳۵۰ هندۍ کلدارې

۳۰۰ د عربو د متحده اماراتو درهم

باید وویل شي یوه اندازه سره زر چې د یادو پیسو سره یو ځای نیول شوي وو، د افغانستان بانک په خزانه کې د امانت په ډول ساتل کېږي. د یادونې وړ ده چې د افغانستان بانک د دولت د بانکدار په توګه ژمن دی چې له امانتونو په ښه ډول ساتنه وکړي او کړې ده چې د اړتیا پر مهال یې د قانون په رڼا کې اړوندو ادارو ته وسپاري.

وروستي خبرونه

شنبه ۱۴۰۰/۹/۶ - ۱۵:۴
Background image

د سوداګریزو بانکونو له استازو سره غونډه

۱۴۰۰ د لیندۍ ۶ مه – د افغانستان بانک د لومړي مرستیال ښاغلي نوراحمد آغا په مشرۍ د افغانستان د بانکونو ټولنې او سوداګریزو بانکونو له استازو سره غونډه جوړه شوه.

په دې غونډه کې د سوداګریزو. . .

سه‌شنبه ۱۴۰۰/۹/۲ - ۱۶:۱۳
Background image

د افغانستان بانک د لومړي مرستیال په مشرۍ غونډه جوړه شوه

۱۴۰۰ د لیندۍ ۲ مه – د افغانستان بانک د لومړي مرستیال ښاغلي نوراحمد آغا په مشرۍ د افغانستان بانک د اړوندو قوانینو، فرمانونو، کړنلارو او لایحو په اړه د دې بانک په عالي شورا کې غونډه جوړه. . .

دوشنبه ۱۴۰۰/۸/۲۴ - ۱۱:۵۳
Background image

د افغانستان بانک 10 میلیونه امریکايي ډالره لیلاموي

1400کال د لړم 24 مه- د افغانستان بانک غواړي چې د 1400 کال د لړم میاشتې په 25 نېټه د سه شنبې په ورځ د داوطلبۍ په اوږدوکې شاوخوا 10 میلیونه امریکايي ډالره د یوې ازادې او رڼې پروسې له لارې. . .

بېرته خبرونه ته