د صرافانو ټولنې له استازو سره غونډه

Mpoya
چهارشنبه ۱۳۹۸/۶/۲۷ - ۱۵:۵۴
د صرافانو ټولنې له استازو سره غونډه

کابل، ۱۳۹۸ د وږي ۲۷ مه – د افغانستان بانک د مالي څارنې د عمومي آمریت د آمر ښاغلي محمد سلیم صلاح په مشرۍ د صرافانو د ټولنې له استازو سره د صرافۍ په مقرره کې د تعدیل او اصلاحاتو په اړه غونډه جوړه شوه.

په دې غونډه کې د صرافۍ د مقررې په اړه چې یو شمېر اصلاحات په کې راوړل شوي دي د مالي څارنې آمریت د مسئولینو له لوري د صرافانو د ټولنې له استازو سره شریک شول او په دې اړه د نظرونو تبادله وشوه.

د یادونې وړ ده چې له دې وړاندې د صرافانو ټولنې غوښتنه دا وه چې د صرافۍ په مقرره کې د یو شمېر آسانتیاوې رامنځته شي، ترڅو دوی وکولای شي په دې برخه کې غوره خدمتونه وړاندې کړای شي.

باید وویل شي چې په دې غونډه کې د صرافیو د مقررې په برخه کې په راتلونکو پلانونو هم خبرې وشوې.

پاتې د نه وي چې د افغانستان بانک هڅه کوي چې د مالي خدمتونو د پراختیا په برخه کې پرمختګونه، لازم اصلاحات او روڼتیا رامنځته شي، ترڅو هېوادوال د هېواد په ټولو برخو کې په آسانۍ سره دې خدمتونو ته لاسرسی پیدا کړي.

وروستي خبرونه

سه‌شنبه ۱۳۹۹/۳/۱۳ - ۱۰:۱
Background image

د افغانستان بانک 30 میلیونه امریکايي ډالره لیلاموي

کابل، د 1399 کال د غبرګولی 13ـ د افغانستان بانک غواړي چې د 1399 کال د غبرګولی میاشتې په 14 نېټه د چهار شنبی په ورځ د داوطلبۍ په ترڅ کې شاوخوا 30 میلیونه امریکايي ډالره د یوې ازادې او. . .

یکشنبه ۱۳۹۹/۳/۱۱ - ۸:۳۹
Background image

د افغانستان ناخالصه اسعاري زیرمې څه باندې ۹ میلیارده ډالرو ته لوړی شوی

کابل، د ۱۳۹۹ د جوزا لسمه نیټه: د افغانستان ناخالصه اسعاري زیرمې د لومړي ځل لپاره له ۹ میلیارده امریکایي ډالرو واوښتې.څه باندې ۹ میلیاردو ډالرو ته د افغانستان د ناخالصه اسعاري زیرمو. . .

یکشنبه ۱۳۹۹/۳/۱۱ - ۸:۲۴
Background image

د بانک د کارکوونکو د کاري رژيم د ټاکلو په موخه د افغانستان بانک بېړنۍ کمېتې غونډه ترسره کړه

کابل، ۱۳۹۹ د غبرګولي ۱۰ – د افغانستان بانک د بېړنيو حالاتو کمېټې چې د افغانستان بانک د دویم مرستیال ښاغلي محمد قسیم رحیمي په مشرۍ پر مخ وړل کېده، غونډه ترسره کړه. د غونډې په اوږدو کې د. . .

بېرته خبرونه ته