د بېلابېلو آمریتونو له چارو د آشنا پوهنتون د محصلینو علمي لیدنه
کابل، د ۱۳۹۸ کال د لېندۍ ۱۰ مه – د افغانستان بانک د روزنې په مرکز (تریننګ سنټر) کې د آشنا پوهنتون محصلینو ته د دې بانک د بېلابېلو آمریتونو د فعالیتونو او دندو په اړه معلومات ورکړل شول.
د آشنا پوهنتون محصلین چې د افغانستان بانک ته د دې بانک د بېلابېلو آمریتونو د دندو او مسئولیتونو د پېژندلو لپاره په یوه علمي لیدنهراغلي وو، ورته د افغانستان بانک د بېلابېلو آمریتونو د استازو له لوري د افغانستان بانک د دندو، موخو او ټولیزو سیاستونو په اړه هر اړخیز معلومات ورکړل شول.
باید وویل شي چې د آشنا پوهنتون محصلینو د افغانستان بانک له اړوندو مسئولینو مننه وکړه چې له دوی سره یې په دې علمي لیدنه کې د دې بانک د دندو، موخو او فعالیتونو په اړه معلومات شریک کړل.
د یاد پوهنتون محصلینو هیله وښوده چې په راتلونکې کې به هم د افغانستان بانک له لوري د محصلینو لپاره ورته علمي کتنې زیاتې شي.
پاتې د نه وي چې د افغانستان بانک هڅه کوي چې د خپلو اکاډمیکو همکاریو په لړ کې د بېلابېلو پوهنتونونو او نورو علمي مرکزونو محصلینو ته د دې بانک د دندو، موخو او ټولیزو سیاستونو په اړه هر اړخیز معلومات ورکړي.
