د پرایسک لومړۍ کاري ډلې دوولسمه غونډه
کابل، د ۱۳۹۸ کال د وږي ۲۶ مه – د خصوصي سکټور د پراختیا د لومړۍ کاري ډلې دوولسمه غونډه د افغانستان بانک د بانکي عملیاتو د عمومي آمر ښاغلي میر عزیز برکي په مشرۍ جوړه شوه.
په دغه غونډه کې د بانکونو د امنیتي لګښتونو په راکمولو، د مالي خدمتونو په پراختیا، په برېښنایي ډول د عوایدو د راټولونې سیستم د فعالولو د پروسې په پرمختګ او په ګمرکونو کې په الکترونیکي ډول د عوایدو د را ټولونې په برخه کې د عامه پوهاوي د رامنځته کولوو په پروسه بحث او خبرې وشوې.
په یاده غونډه کې د نظرونو تر تبادلې وروسته د اړوندو موضوعاتو په اړه یو شمېر پرېکړې وشوې چې په راتلونکو غونډو کې به د یادو پرېکړو د پایلو په اړه معلومات شريک شي.
د یادونې وړ ده چې په دغه غونډه کې د افغانستان بانک د مالي خدمتونو د پراختیا د عمومي آمر ښاغلي میر احمد شکیب سربېره د خصوصي سکتور د پراختیا د لومړۍ کاري ډلې استازو هم ګډون کړی وو.
