د نړیوالې ټولنې د مرستو په لړ کې کابل ته د ۴۰ میلیونه امریکایي ډالرو د نغدې مرستې را رسېدل
۱۴۴۴ ربیع الاول ۷ مه - افغانستان ته د مرسته کوونکو هېوادونو د بشرپاله مرستو په لړ کې د څلوېښت میلیونه امریکایي ډالرو نغده کڅوړه را ورسېده او یو سوداګریز بانک ته وسپارل شوه.
د افغانستان بانک هېواد ته له قانوني او اصولي لارو د اسعارو له راتګ هر کلی کوي او د نړیوالې ټولنې له مرستو د مننې ترڅنګ له دې ټولنې غواړي چې خپلې مرستې د بانکي سکتور له لارې تر سره کړي.
د افغانستان بانک تل هڅه کړې ده چې د درنو هېوادوالو لپاره غوره بانکي چوپړتیاوې برابرې کړي او له ټولو نړیوالو مالي او بانکي بنسټونو سره د اصولو او مقرراتو په رڼا کې غوره اړیکې ولري.
