د افغانستان بانک 15 میلیونه امریکايي ډالره لیلاموي
![د افغانستان بانک 15 میلیونه امریکايي ډالره لیلاموي](/sites/default/files/2024-08/111_0.jpg)
1446 صفر المظفر 21 مه - د افغانستان بانک غواړي چې د 1446 کال د صفر المظفر د میاشتې په 22 نېټه (1403/06/05) د دو شنبې په ورځ د داوطلبۍ له لارې تر (15) میلیونه امریکايي ډالرو پورې د لیلام په ډول وپلوري. د افغانستان بانک له سوداګریزو بانکونو او د صرافۍ او د پولي خدمتونو له شرکتونو څخه چې په شرایطو برابر وي، غوښتنه کوي، څو په دې داوطلبۍکې ګډون وکړي. د داوطلبۍ ګټونکي اړ دي څو خپل حسابونه د لیلام د ورځې تر پایه پورې تصفیه کړي.
د اسعارو د لیلام په داوطلبۍ کې د معاملاتو قسمي تسویې ته اجازه نه ورکول کیږي، د داوطلبۍ ګټونکي اړ دي چې د خپل ذمت د قیمت پیسې په یو ځل په نغدي ډول په ټاکلي موده کې د افغانستان بانک ته وسپاري.