د کرونا ویروس د مخنیوي په اړه د افغانستان بانک بېړنۍ غونډه

Mpoya
دوشنبه ۱۳۹۹/۱۲/۲۶ - ۱۰:۳۱
0

کابل، د ۱۳۹۸ کال د کب ۲۴ مه د افغانستان بانک د دویم مرستیال ښاغلي محمد قسیم رحیمي په مشرۍ چې د افغانستان بانک د بېړنۍ کمېټې مشري هم کوي غونډه جوړه شوه او په کې د یادې کمېټې مسئولینو ته دنده وسپارل شوه چې د کرونا ویروس د مخنیوي لپارهاړین ګامونه پورته کړي.

په دې غونډه کې د افغانستان بانک دویم مرستیال د بېړنۍ کمېټېله لوري د دې ویروس څخه د ځان ساتنې لپاره په رامنځته شویو لومړنیو تدبیرونو خبرې وکړې او په دې برخه کې یې د افغانستان بانک د کارکوونکو او مراجعینو لپاره د لازیاتو تدبیرونو د رامنځته کولو ژمنه وکړه.

باید وویل شي چې د افغانستان بانک د بيړنۍ کمېټې له لوري تر دې مهاله د افغانستان بانک د کارکوونکو لپاره د ویروس ضد لاس وینځونکي مواد برابر کړي، له یو ځایي خوړنځای څخه مخنیوی شوی چې هر یو کارکوونکي ته په ځانګړو پاکټونو کې خواړه رسول کېږي، د کارکوونکو لپار ماسکونه او دستکشونه رانیول شوي، د بانک وړکتون تړل شوی او د  دې بانک اړوندو څانګو کې د ویروس ضد درمل شیندل شوې دي.

پاتې دې نه وي چې د افغانستان بانک په خپلو کارکوونکو چې بهرنیو هېوادونو ته سفرونه کوي بندیز لګولی او د یاد بانک اجازه نه لري چې د یاد ویروس تر له منځه تلو تر مهاله پورې کوم بهرني هېواد ته سفر وکړي.

همدارنګه په دې غونډه کې بېړنۍ کمېټې پرېکړه وکړه چې د دغه بانک په اډانه کې تر ډېرو اړینو غونډو پرته پر نورو هر ډول غونډو چې زیات کسان په کې را ټولېږي بندیز ولګول شي.

په پام کې ده چې د افغانستان بانک بېړنۍ کمېټه به د خپلو کارکوونکو او مراجعینو لپاره د یاد ویروس د مخنیوي لپاره یو شمېر نور اړین تدبیرونه هم ونیسي چې په دغو تدبیرونو کې به د بانک کارکوونکو او مراجعینو د روغتیایي وضعیت د چک او کنترول لپاره د ترمامترونو رانیول، د برېښنایي حاضرۍ د بڼۍ بدلون او نور اړین تدبیرونه شامل وي.

د یادونې وړ ده چې د افغانستان بانک په بیړنۍ کمېټه کې چې نوې رامنځته شوې ده، د افغانستان بانک د ټولو ناظر، د عمومي خدمتونو، مالي او محاسبې، بانکي عملیاتو، مالي خدمتونو د پراختیا او بشري سرچینو آمریتونه شامل دي چې د بشري سرچینو د معاشونو او امتیازونو مدیر د دې کمېټې د منشي دنده پر غاړه لري.

 

وروستي خبرونه

یکشنبه ۱۳۹۹/۳/۱۱ - ۱۰:۱۲
Background image

د افغانستان بانک 30 میلیونه امریکايي ډالره لیلاموي

کابل، د 1399 کال د غبرگولی 11- د افغانستان بانک غواړي چې د 1399 کال د غبرگولی میاشتې په 12 نېټه د دو شنبی په ورځ د داوطلبۍ په ترڅ کې شاوخوا 30 میلیونه امریکايي ډالره د یوې ازادې او رڼې. . .

یکشنبه ۱۳۹۹/۳/۱۱ - ۸:۳۹
Background image

د افغانستان ناخالصه اسعاري زیرمې څه باندې ۹ میلیارده ډالرو ته لوړی شوی

کابل، د ۱۳۹۹ د جوزا لسمه نیټه: د افغانستان ناخالصه اسعاري زیرمې د لومړي ځل لپاره له ۹ میلیارده امریکایي ډالرو واوښتې.څه باندې ۹ میلیاردو ډالرو ته د افغانستان د ناخالصه اسعاري زیرمو. . .

یکشنبه ۱۳۹۹/۳/۱۱ - ۸:۲۴
Background image

د بانک د کارکوونکو د کاري رژيم د ټاکلو په موخه د افغانستان بانک بېړنۍ کمېتې غونډه ترسره کړه

کابل، ۱۳۹۹ د غبرګولي ۱۰ – د افغانستان بانک د بېړنيو حالاتو کمېټې چې د افغانستان بانک د دویم مرستیال ښاغلي محمد قسیم رحیمي په مشرۍ پر مخ وړل کېده، غونډه ترسره کړه. د غونډې په اوږدو کې د. . .

بېرته خبرونه ته