د افغانستان د اداینو سېستم لوی آمريت
د افغانستان د اداینو سېستم لوی آمريت د افغانستان د برېښنايي اداینو د ملي سویچ او د افغانستان بانک د یو آمریت په توګه کار کوي او د نوي برېښنايي اداینو او ګرځنده موبایل له لارې د اداینو چې د پرچونې بانکوالۍ خدمتونو ته پراختیا ورکوي او د خدمتونو پر وړاندې کولو سره د افغانستان د پرچونې بانکوالۍ د بازار په پرمختګ او عصري کولو کې مهم رول لوبوي.
لید لوری
په افغانستان کې له نغدو پیسو پرته د یوې ټولنې د جوړولو په موخه په فعاله توګه د برېښنايي اداینو د سېستم هڅول او له دې څخه ډاډ ترلاسه کول چې په هېواد کې د برېښنايي اداینو سېستم خوندي،ګټور، د ګډو عملیاتو وړتیا درلودونکی، قانوني، د لاسرسی وړ، ټولشموله او له نړیوالو معیارونو سره برابر دی.
ماموریت
له ګډې عملیاتي وړتیا سره د پرچونې برېښنايي اداینې د یو ګډ بېخبنسټ (زیربنا) برابرول چې د برېښنايي ورکړې، د کارت خدمتونو او د ګرځنده موبایل له لارې د مالي خدمتونو د پروسس او سویچنګ لپاره یو کم لګښته او د ډېرو چینلونو لرونکی سویچ دی او د ټولو غړو د دوه اړخیزو ګټو لپاره له نغدو پیسو پرته یوه ټولنه رامنځ ته کوي.
موخې
په افغانستان کې د مالي مؤسسو ترمنځ د ګډو عملیاتو د وړتیا برابرول، د برېښنايي اداینو د یو ګډ بېخبنسټ جوړول، د داخلي کارت د طرحې لوړول، د برېښنايي اداینو د خدمتونو پرمختګ او دودول او د نړیوالو کارتونو د طرحې وړاندې کول د افغانستان د اداینو سیستم د لوی آمریت موخې ګڼل کېږي.
د افغانستان د ادینو سېستم د لوی آمريت رول
د افغانستان د ملي سویچ په توګه فعالیت، د ورکړې د سوداګریز مرکز په توګه فعالیت، د برېښنايي ورکړو د قوانینو او مقررو د جوړولو په موخه د دولت او مالي مؤسسو ترمنځ د یو ارتباطي پُل په توګه فعالیت، د اف پې د داخلي کارتونو د طرحې د دودیدو په توګه فعالیت، د مالي مؤسسو او د نړيوالو کارتونو د طرحې ترمنځ د ارتباطي پُل په توګه فعالیت.
خدمتونه
(1) بانکوالي او کوچنۍ پانګونې، داخلي کارت، د نړيوالې ورکړې کارت، د سوداګرو څارنه او مدیریت، د SMS له لارې بانکوالي، د ګرځنده موبایل له لارې بانکوالي او د IVR بانکوالي؛
(2) عامه خدمتونه، د ګمرکي مالیو راټولول (ASYCUDA)، د عوایدو د مالیو راټولول (SIGTAS)، برېښنا (د برېښنا د بیل ورکړه)، د ورکړې نور عمومي خدمتونه؛
(3) د برېښنايي پیسو مؤسسې (ای ام آی)، د ګډو عملیاتو وړتیا، د مخکې ورکړې کارتونه؛
(4) د اداینو مؤسسې، د صرافیو د اتومات ماشینونو کنټرولول، د مخکې ورکړې کارتونه.