د کاتب پوهنتون د اقتصاد پوهنځي محصلینو ته ښوونیز ورکشاپ جوړ شو

ناپیژنده (not verified)
پنجشنبه ۱۳۹۸/۳/۲۳ - ۹:۳۹
د کاتب پوهنتون د اقتصاد پوهنځي محصلینو ته ښوونیز ورکشاپ جوړ شو

کابل، د غبرګولي ۲۲ مه – د افغانستان بانک له لوري د کاتب پوهنتون محصلینو ته د دغه بانک د موخو، دندو او کلي سیاستونو په اړه یو ورځنی ښوونیز ورکشاپ جوړ شو.

د دې ورکشاپ په پیل کې د کاتب پوهنتون د اقتصاد پوهنځي سرپرست او استاد ښاغلي احمد محمدي یاد پوهنتون ته دافغانستان بانک هیئت ته د ښه راغلاست ویلو تر څنګ د دغه ډول ښوونیزو ورکشاپونو او د اطلاع رسونې په برخه کې مرکزي بانک په توګه د افغانستان بانک له لوري د معلوماتو د شریکولو په اهمیت او د دغه بانک په کلي سیاست محصلینو ته خبرې وکړې.نوموړي د محصلینو لپاره د دغه ډول ورکشاپونو جوړول د دوی د علمي کچې په لوړولو کې د اهمیت وړ وبلل.

ورپسې د افغانستان بانک د ریاست د دفتر د لوی آمریت مرستیال ښاغلي شفیق الله بارز خبرې وکړې او زیاته یې کړه چې د افغانستان بانک د خپلو بنسټیزو دندو سربېره د اطلاع رسونې، عامه پوهاوي او معلوماتو د شریکولو په برخه کې لازمو هڅو او همکاریو ته ژمن دی.

همدارنګه نوموړي زیاته کړه چې د اقتصاد، مالي او بانکي چارو د برخې محصلینو ته د بانک د موخو، دندو او کلي سیاستونو په اړه د ښوونیزو ورکشاپونو جوړول له پوهنتونونو سره د افغانستان بانک د اکاډمیکو همکاریو یوه برخه ده چې د افغانستان بانک له لوري د محصلینو د ظرفیتونو د لوړولو لپاره په پام کې نیول شوي دي.

ورپسې د افغانستان بانک د پولي سیاست د عمومي آمریت مرستیال ښاغلي احمد جواد سداد په هېواد کې د پولي سیاست د تطبیق، په کور د ننه د بیو د ثبات د تامین او ساتنې، د هېواد اقتصادي وضعیت ته په کتو سره د پیسو د وړاندې کولو په مدیریت، کنټرول او همدارنګه د مبادلې د نرخ په اړه یې هر اړخیز معلومات وړاندې کړل.

د دې ښوونیز ورکشاپ په بله برخه کې د افغانستان بانک د مالي چارو د عمومي آمریت مرستیال ښاغلي سید محسن سادات پر بانکونو او مالي موسسو د نظارت (څار) یو پریزنټیشن وړاندې کړ چې په بانکونو کې د درجه بندۍ په تړاو یې د پانګو د کفایت، د داراییو د کیفیت (څرنګوالي)، د ګټې د مدیریت او سیالیت په اړه ګډون کوونکو ته معلومات ورکړل.

د ورکشاپ په وروستۍ برخه کې د ګډون کوونکو پوښتنو ته ځوابونه وویل شول او ګډونوالو ته تصدیق پاڼې ووېشل شوې.

وروستي خبرونه

سه‌شنبه ۱۳۹۸/۷/۳۰ - ۱۱:۵۷
Background image

د افغانستان بانک 30 میلیونه امریکايي ډالره لیلاموي

کابل، د 1398 کال د تله 30ـ د افغانستان بانک غواړي چې د 1398 کال د لړم میاشتې په 1 نېټه د چهارشنبی په ورځ د داوطلبۍ په ترڅ کې شاوخوا 30 میلیونه امریکايي ډالره د یوې ازادې او رڼې پروسې له. . .

یکشنبه ۱۳۹۸/۷/۲۸ - ۱۰:۱۵
Background image

د پروژې د مسلکي مدیریت درې میاشتنۍ دوره پایته ورسېده

کابل، د ۱۳۹۸ کال د تلې ۲۷ مه - د افغانستان بانک په اډانه کې د دې بانک د کارکوونکو لپاره د PMP درې میاشتنۍ روزنېزه دوره پای ته ورسېده.

په دې روزنېزه دوره کې چې د چنګاښ د میاشتې له لومړۍ. . .

شنبه ۱۳۹۸/۷/۲۷ - ۱۱:۲۶
Background image

د افغانستان بانک د پیسو له نړیوال صندوق سره ګډ اقتصادي پروګرام په بریالیتوب سره بشپړ کړ

د افغانستان بانک د کریډټ د تمدید د اسانتیا پروګرام (ECF)؛ د شرایطو په پوره کولو او د یاد پروګرام د موخو په ترلاسه کولو سره په بریالیتوب سره بشپړ کړ.

د افغانستان دولت او د پیسو د نړیوال. . .

بېرته خبرونه ته