د افغانستان بانک او د ولسمشرۍ ماڼۍ دملي پراختیا ادارې تر منځ د دوه اړخیز هوکړه لیک لاسلیک

Mpoya
شنبه ۱۴۰۰/۵/۲ - ۱۷:۱۷
د افغانستان بانک او د ولسمشرۍ ماڼۍ دملي پراختیا ادارې تر منځ د دوه اړخیز هوکړه لیک لاسلیک

۱۴۰۰ کال د زمری ۲ مه – د افغانستان بانک د هېواد د اساسي قانون د ۱۴ مادې د دویمې فقرې او د جلالتماب ولسمشر د فرمان پر بنسټ د دوامداره اقتصادي ودې او د سوداګریزو بانکونو له لوري هېوادوالو لپاره د کور جوړونې سکتور ته د پورونو د ورکړې په برخه کې د آسانتیاوو د رامنځته کولو په موخه نن د ولسمشرۍ ماڼۍ د ملي پراختیا عملیاتي او حمایوي ادارې سره یو دوه اړخیزه هوکړه لیک لاسلیک کړ.

دا غونډه چې په آنلاین توګه جوړه شوې وه، په پیل کې د افغانستان بانک سرپرست ښاغلي اجمل احمدي خبرې وکړې او ویې ویل چې دا هوکړه لیک د سوداګریزو بانکونو له لوري د کور جوړونې شرکتونو او خلکو ته د پورونو د ورکړې په برخه کې د آسانتیاوو د رامنځته کولو په موخه لاسلیک شو. د نوموړي په خبره د افغانستان بانک هڅه کوي چې بانکي سکتور پر داسې لار برابر کړي چې پر بنسټ یې د هېواد په اقتصادي وده کې خپل مثبت رول تر سره کړي.

د افغانستان بانک سرپرست د خپلو خبرو په بله برخه کې یادونه وکړه چې د افغانستان بانک د هېواد د مرکزي بانک په توګه د غوره او اغېزناکو کړنلارو په طرحه او وړاندې کولو سره د هېواد بانکي نظام په ټولګټو پروژو کې د پانګونې لپاره هڅوي چې له دې سره یو ځای بانکي نظام پر فعالیت راغلی او درانه هېوادوال یې له آسانتیاوو څخه نېغ په نېغه او یا هم په غیر مستقیم ډول ګټه اخلي.

ورپسې، د ولسمشرۍ ماڼۍ د ملي پراختیا عملیاتي او حمایوي ادارې رئیس ښاغلي احمد وفي امین د افغانستان بانک له سرپرست ښاغلي اجمل احمدي څخه مننه وکړه چې د هېواد د بېلابېلو اقتصادي برخو لپاره په ځانکړې توګه دکور جوړونې لپاره یې د پور ورکولو په برخه کې د آسانتیاوو زمینې برابرې کړي دي.

نوموړي زیاته کړه چې د سوداګریزو بانکونو له لوري د ټولګټو پروژو د ودې لپاره د زمینې برابرول کولای شي، د افغانستان په اقتصادي وده او پرمختګ کې اغېزناکه رول تر سره کړي.

آخرین اخبار

یکشنبه ۱۴۰۰/۷/۲۵ - ۱۵:۱۸
Background image

تدویر جلسه مشترک با نمایندگان اتحادیه بانک ها، بانک های تجارتی و شرکت برشنا

کابل، 25 میزان 1400- جلسه ای تحت ریاست محترم عبدالواحد جبار خیل آمر عمومی عملیات بانکی د افغانستان بانک با نمایندگان اتحادیه بانک ها، بانک های تجارتی کارگزار در کشور و شرکت برشنا در. . .

شنبه ۱۴۰۰/۷/۲۴ - ۱۶:۳۲
Background image

برگزاری نود و یکمین جلسه هیئت مدیره بانک تجارت و توسعه اکو (ETDB )

نود ویکمین جلسه هیئت مدیره بانک تجارت و توسعه اکو (ETDB ) به تاریخ 22 میزان 1400 بشکل آنلاین تدویر گردید. در این جلسه برعلاوه رییس بانک تجارت وتوسعه اکو و اعضای هیئت مدیره آن نماینده. . .

دوشنبه ۱۴۰۰/۷/۱۹ - ۹:۱۸
Background image

تدویر جلسه با مسوولین شرکت برشنا

۱۸ میزان ۱۴۰۰ – جلسه ای به رهبری محترم مولوی عبدالقدیر احمد معاون دوم د افغانستان بانک با مسوولین شرکت برشنا در مورد ایجاد تسهیلات لازم بانکی برای جمع آوری عواید این شرکت تدویر گردید.

. . .

بازگشت به خبر