د تش بست اعلان

آمریت: د غیر بانکي مالي مؤسسو د څارنې لوی آمریت

د دندې عنوان: د وړ مالي تمویلونو مؤسسو او د مالي اجارې مؤسسو څارونکی

ګرید: اتم (۸)

د خبرتیا د پیل نېټه: ۱۴۴۷ د ربیع الاول ۲۵   

 د خبرتیا د پای نېټه: ۱۴۴۷ د ربیع الثانی ۹

د ګمارنې ډول: دایمي

دندې او مسئولیتونه:

• د چارو د ښه والي، اغېزناکتیا د زیاتېدو او د سپارل شوو کاري پلانونو د پلي کولو لپاره د انګېزې د رامنځته کولو په موخه د یادې برخې د چارو مدیریت، څارل، کنټرول او ارزول؛

• له کاري پلان سره سم د خدمتونو د وړاندې کولو لپاره د قوانینو، مقررو، پالیسیو او کړنلارو په رڼا کې د سرچینو، کړنو او تر کنټرول لاندې اجراآتو مدیریت کول؛

• د پالیسیو، مقرراتو، کړنلارو، لوایحو، د غیر بانکي مالي مؤسسو د څارنې لوی آمریت د معیاري فورمو او د لنډمهاله او ستراتیژیکو پلانونو په رهبرۍ او پراختیا کې له مستقیم مدیر سره همکاري کول؛

• د قوانینو، مقرراتو، کړنلارو، متحدالمالونو، د شرعي حکمونو او څارنیزو منل شوو معیارونو سره سم د وړو مالي تمویلونو او مالي اجارې د مؤسسو او د وړو پورونو د مؤسسو د کړنو څارل او د ثبات او سلامتۍ لپاره پر سرغړونکو د اصلاحي اقداماتو وضع کول؛

• د کاري بهیر د اسانتیا لپاره له اړوندو برخو سره اړیکې ټینګول او همغږي رامنځته کول؛

• په میاشتني، ربعوار او کلني ډول د کاري راپورونو راټولول او له ابتدایي ترتیبولو وروسته یې مستقیم مدیر ته سپارل؛

• د مالي اجارې او وړو مالي تمویلونو مؤسسو ته د جواز ورکولو د بهیر په چټکه کولو کې د جواز ورکولو له مدیریت سره د تخنیکي همغږي او همکارۍ درلودل؛

• له اړوندو قوانینو، مقرراتو او کړنلارو سره سم د مالي اجارې مؤسسو او د امانت نه اخیستونکو وړو مالي تمویلونو مؤسسو په اړه د جوازونو د غځولو، ځنډولو یا فسخ کولو په اړه د معلوماتو چمتو کول، د اخطاریو صادرول او داسې نورو اړوندو کارونو ترسره کول؛

• د وړو مالي تمویلولو او مالي اجارې د مؤسسو د سرغړونو په اړه پر وخت د مستقیم مدیر خبرول؛

• د اړتیا په صورت کې په اړوندو کمېټو، د بانک په داخل او بهر او داسې نورو رسمي غونډو او پروګرامونو کې ګډون کول، تر څو د افغانستان بانک موخې ترلاسه شي؛

• د مستقیم مدیر او واک لرونکي آمر له لارښوونې سره سم د اړوندو شعبو او ذیدخلو کارکوونکو د کړنلارو، مکتوبونو، تصويبونو، د ریاست د حکمونو او داسې نورو تقنیني او اداري سندونو خپرول؛

• د دقیق اقدام او مراجعې په پام کې نیولو سره په ټاکلي وخت د مکتوبونو، وړاندیزونو، استعلامونو او نورو اداري لیکنو لیکل، تعقیبول او طی مراحل کول؛

• د هارډ او سافټ کاپي په بڼه په کارتنونو او دوسیو کې د مکتوبونو، وړاندیزونو، استعلامونو او نورو اداري لیکنو په کره او منظمه توکه تنظیمول او ساتل؛

• د کاري پلانونو ترتبیول او مستقیم مدیر او واک لرونکي آمر ته د کاري راپور وړاندې کول

• د نورو هغو دندو او مسئولیتونو ترسره کول چې له کړنلارو، دستورالعملونو او د لوړپوړي چارواکي له لارښوونو سره سم د لایحې او مقرراتو پر بنسټ سپارل کیږي

تحصیلي درجه:

• په اقتصاد، مدیریت، مالي او بانکوالۍ، اداره او سوداګرۍ، عامه ادارې او یا محاسبې په برخو کې لیسانس او په پورتنیو برخو کې د ماسټرۍ درلودونکي ته لومړیتوب ورکول کېږي.

تجربه

• د دندې اړوند (۳) کلنه کاري تجربه.

مهارتونه او وړتیاوې:

• د وظیفوي محرمیت ساتل؛

• له ملي ژبو او انګلېسي سره بلدتیا؛

• د مدیریتي مهارتونو درلودل؛

• له کمپیوټري پروګرامونو او بانکي سیستمونو سره بلدتیا؛

• له بانکي قوانینو او مقررو سره بلدتیا؛

• د کاري مسئولیتونه درکول او په کاري ساحو کې د ستونزو په ګوته کول؛

• په خبرو کې فصاعت او بلاغت؛

• د مکتوبونو، وړاندیزونو او کاري راپورونو د لیکلو وړتیا؛

• د دندې اړوندو مسایلو د شنلو وړتیا، د مالي مسایلو تفسیر او تعبیرول او مالي کره راپور ورکونه.

شخصي صفتونه او ارزښتونه:

• رښتینی، د نیک چلند خاوند، نوښتګر، بادسپلین، دندې او وخت ته پوره پابند، ډله ایز کار ته لېواله، همکار، مسئولیت منونکی، تصمیم نیوونکی او په کاري برخه کې مسلکي.

یادونه:

مینه وال او غوښتونکي کولای شي لومړی په Jobs.dab.gov.af ویب پاڼه کې ځانته یوزر جوړ او بیا د خپلي خوښي بست وټاکي او غوښتل شوي اسناد دې د pdf په بڼه اپلوډ کړي.

د ازموینې د اخیستلو لپاره یوازې له ټاکل شویو درخواست کوونکو سره اړیکه نیول کېږي.

د آزموینې نېټه وروسته اعلانیږي.