د هېواد د اسعاري زیرمو په اړه د افغانستان بانک اعلامیه!

Mpoya
پنجشنبه ۱۴۰۱/۶/۲۴ - ۱۳:۲۸
د هېواد د اسعاري زیرمو په اړه د افغانستان بانک اعلامیه!

د افغانستان بانک یوه خپلواکه اداره ده چې د نړیوالو منل شوو معیارونو، قوانینو او مقرراتو په رڼا کې فعالیتونه ترسره کوي او خپل نړیوالو مکلفیتونه په ځانګړې توګه د پیسو وینځلو او د جنایتکارو ډلو د تمویل سره د مبارزې په برخه کې په ښه ډول مراعاتوي. د خپلو دندو د ترسره کولو لپاره کافي ظرفیت او تخصص لري، او لا هم خپل پخواني د لوړو زده کړو لرونکي متخصصین په واک کې لري او کړنې یې په شفافه توګه د بې طرفه متخصصو پلټونکو لخوا څېړل کېږي، چې ښه بېلګه یې د تېر کال لاسته راوړنې دي، نو په دې اساس په دې قضیه کې شوې ادعاوې د اعتبار وړ نه دي.

د افغانستان بانک د اسعارو زېرمې د افغانانو ملکیت دی او له کلونو راهیسې د پولي ثبات، مالي سیستم د پیاوړتیا او له نړۍ سره د سوداګرۍ د اسانتیا په موخه کارول کېږي. د امریکا د متحده ایالتونو هغه پرېکړه چې په سویس هېواد کې د یوې ادارې د جوړولو او هلته د افغانستان د اسعارو د زیرمو د یوې برخې د لېږد او غیر مرتبطو برخو ته د هغو ځانګړي کول، د خوندیتوب او روڼتیا اړین معیارونه په پام کې نه نیول، د افغانستان بانک اندېښنو ته نه پاملرنه، دا ټول د افغانستان د خلکو په حق کې نا عادلانه پرېکړه ده. دا چې دا پرېکړه د افغانستان د خلکو د رښتینو استازو په نه شتون او د افغانستان بانک له ګډون پرته شوې، د منلو وړ نه ده.

د افغانستان بانک غواړي چې د هېواد د بهرنیو اسعارو په زېرمو باندې لګول شوي محدودیتونه په بشپړه توګه لیرې کړل شي، تر څو د خپل اغېزناک او شفاف مدیریت له لارې ټاکل شوو موخو ته ورسېږي. په دې برخه کې هر ډول یو اړخیزه پریکړه او هر ډول توجیه د منلو وړ نه ده.

د افغانستان بانک چمتو دی چې د نړیوالو اندیښنو د حل لپاره د نړۍ له هیوادونو او پېژندل شوو سازمانونو سره هر اړخیزه همکاري وکړي. تمه کېږي چې په دې مسله کې ښکیل هېوادونه او سازمانونه به د افغانستان بانک او اړوندو ادراتو سره د رغنده خبرو اترو له لارې د منلو وړ او دوامداره حل د ترلاسه کولو لپاره اړین ګامونه پورته کړي.

آخرین اخبار

چهارشنبه ۱۴۰۱/۱۱/۱۹ - ۱۳:۱۷
Background image

اعلامیه مطبوعاتی د افغانستان بانک

د افغانستان بانک بدینوسیله از تجار، صرافان، آنانیکه  مصروف کار سنگهای قیمتی اند و هموطنان عزیز تقاضا می کند که مفاد مندرج اعلامیه مطبوعاتی مقام محترم ریاست الوزرا پیرامون استفاده از پول. . .

دوشنبه ۱۴۰۱/۱۱/۱۷ - ۱۲:۸
Background image

د افغانستان بانک 17  میلیون دالر امریکایی را لیلام میکند

15 رجب المرجب 1444 - د افغانستان بانک الی مبلغ (17) میلیون دالر امریکایی را طی داوطلبی به روز چهار شنبه مؤرخ 17 رجب المرجب 1444 (19/11/1401) بطور لیلام بفروش می رساند. بدینوسیله از. . .

شنبه ۱۴۰۱/۱۱/۸ - ۱۷:۲۰
Background image

تدویر ګفتمان یک روزه تقویت و توسعه بانکداری اسلامی در کشور

۶ رجب المرجب ۱۴۴۴ –ګفتمان یک روزه برای تقویت، توسعه و فراهم سازی زمینه های مناسب دسترسی مردم به خدمات مالی در تالار مجالس شورای عالی د افغانستان بانک برګزار شد.

در این ګفتمان محترم. . .

بازگشت به خبر